Home Comercio Inversionistanan ta mustrando hopi interes pa inverti den San Nicolas

Inversionistanan ta mustrando hopi interes pa inverti den San Nicolas

84
0
SHARE
- Advertisement -

ORANJESTAD  (AAN) — E hecho cu Gobierno di Aruba ta para tras di e Proyecto pa realisa un Fast Ferry na San Nicolas, ta creando hopi expectativa den e sector comercial. Hopi inversionista ta expresando nan interes pa bin establece nan negoshi aki na Aruba tambe, y esey ta pa motibo di e facilidad di transporte cu Fast Ferry lo trece cun’e. E ‘spin off effect’ cu e proyecto aki ta bay tin ta grandi y lo beneficia, no solamente e sector turistico di nos isla, pero tambe lo fortalese nos lazonan comercial cu Corsou y Boneiro.

“Djies door di tende cu tin un proyecto y cu Gobierno ta para su tras, bo ta sinti cu e inversionistanan ey’fo caba ta cuminsa wak unda nan por inverti P’ariba di Brug”, tabata palabranan di e titular di Transporte.

Expertonan ta conseha pa Aruba cuminsa diversifica su atractivo turistico. Minister Romero ta kere firmemente cu e desaroyo cu lo bin hunto cu e proyecto di Fast Ferry lo crea un atractivo turistico nobo na San Nicolas mes, cual lo haci cu e turistanan lo kier keda P’ariba di brug y asina contribui na su economia. Esaki tambe ta un atractivo comercial cu inversionistanan a cuminsa mira caba cu e proyecto caba, y a cuminsa vocifera nan interes pa forma parti di e construccion di e economia nobo pa San Nicolas.

San Nicolas Business Association tin plannan concreto pa e desaroyo y embeyecimento pa San Nicolas por bira finalmente e atractivo turistico cu semper e mester tabata ta. Gobierno ta comprometi pa duna San Nicolas Business Association e apoyo necesario y cu nan ta rekeri pa asina por duna San Nicolas un aire fresco cu un economia stabil y asina cuminsa trece e prosperidad cu P’ariba di brug merece.

- Advertisement -

DUNA COMENTARIO

Please enter your comment!
Please enter your name here