Home Noticia Internacional Iván Duque eligi presidente nobo di Colombia

Iván Duque eligi presidente nobo di Colombia

191
0
SHARE
- Advertisement -

ORANJESTAD(AAN)—Ivan Duque, naci na  Bogota dia 1 di augustus 1976 lo asumi presidencia cu 42 aña di edad.

Colombianonan a dicidi ayera pa medio di urnanan, e futuro di nan pais. Mas di 19 miyon persona a vota y dictamina cu e candidato di Centro Democrativo, Ivan Duque Marquez, lo ta president di Colombia pa e cuatrenio di 2018 –a 2022.

Duque  a logra den di dos vuelta aki mas di 10 miyon voto (53,9 porciento di e total di votonan) locual a ratifike como e ganador den di dos vuelta presidencial.

E candidato di Centro Democratico a gana cu mas di dos miyon voto su rival Gustavo petro, e candidato di Colombia Humana, cu a logra haya 8 miyon voto (41 porciento di e total di votonan).

Voto blanco di su parti a suma na mas di 700 mil y a representa 4 porciento di e total di e votación.

Iván Duque Marquez ta un abogado bogotano di 41 aña di edad. El a studia e pregrado na Universidad Sergio Arboleda y cursa dos masters: un den Derecho Economico na American University y otro den Gerencia di política publico, na Georgetown University.

Duque ta yiu di e politologa Juliana Marquez Toro y di e político antioqueño – y exgobernador – Ivan Duque Escobar (q.e.p.d).

E politico bogotano ta casado 15 aña caba cu e abogado María Juliana Ruiz. Como fruto di e amor aki a nace tres yiu: Luciana, Matias y Eloisa.

E cargo político mas recien cu el a ocupa tabata como senador di Republica entre 2014 y 2018 y a renuncia na maart ultimo pa dedica su mes na su campaña presidencial.

Otro di e cargonan publico cu e tabata tin den su carera profesional ta como Consehero Principal di Direccion Ehecutivo pa Colombia, Peru, y Ecuador den BID y hefe di division di Cultura, Creatividad y solidaridad den e mes institucion.

Ademas e tabata asesor di Ministerio di Hacienda tempo cu Juan Manuel Santos tabata titular di e cartera durante presidencia di Andres Pastrana y consultor den Corporacion Andina de Fomento.

E mqndatario nobo cu lo tin Marta Lucía Ramirez como vicepresidente, ta asumi riendanan di e rama ehecutivo di e pais dia 7 di augustus próximo.

- Advertisement -

DUNA COMENTARIO

Please enter your comment!
Please enter your name here