Home Comercio Keda riba track y disfruta di preparacionnan p’e KLM Marathon cu Digicel...

Keda riba track y disfruta di preparacionnan p’e KLM Marathon cu Digicel Aruba

12
0
SHARE
- Advertisement -

Digicel tin oferta special pa postpaid te cu 9 di Juni 2018

ORANJESTAD (AAN): Digicel ta un sponsor di e prome edicion di KLM Aruba Marathon, cual lo tuma luga dia 3 di Juni 2018. E marathon lo por tin luga te cu 2000 participante, kendenan lo por cana y core diferente distancia, cu ta 5K, 10K, 21.1K y 42.2K.

Dia 25 di Mei Digicel a tene un Evento di Registracion na Digicel Tanki Leendert Store y e tabata combina cu oferta special riba diferente aparato di Postpaid. Clientenan por beneficia di e oferta special di Postpaid te cu 9 di Juni.

Durante e evento di registracion, esunnan cu a registra a ricibi un tas di gym di Digicel cu algun cos p’e marathon. Esunnan cu a registra a keda sorprendi di a ricibi esaki y a gradici Digicel p’e cosnan nice cu nan a haya, cual a inclui headphones. Pa keda refresca den e tienda, bishitantenan a ricibi un boter di Gatorade.

Clientenan, kendenan ta cumpra e oferta special di Digicel prome cu 9 di Juni, tambe lo ricibi un boter di deporte di stainless steel. Digicel Aruba ta contento di duna e boternan di deporte cu nan oferta special, cual tur hende por uza durante e KLM Aruba Marathon of otro aventuranan deportivo.

Digicel Aruba ta provee comunicacion p’e teamnan organizatorio pa sigura cu semper nan por keda conecta den nan preparacion p’e evento. Digicel Aruba tin 10 empleado participante den nan prome KLM Aruba Marathon. Participantenan y publico por para fresco den sombra bou e tent di Digicel cu ta poni na final di e marathon.

- Advertisement -

DUNA COMENTARIO

Please enter your comment!
Please enter your name here