Home Actividad Especial Kiwanis Club of Aruba lo tin fiesta di Dubai Wine Gala na...

Kiwanis Club of Aruba lo tin fiesta di Dubai Wine Gala na September

80
0
SHARE
- Advertisement -

ORANJESTAD; (AAN): Recientemente Kiwanis Club of Aruba a tene su conferencia, unda a anuncia na comunidad di Aruba nan famoso y anticipa evento anual, pa recauda fondo “Wine Gala”. E  aña aki e tema ta “Dubai” y e evento lo tuma lugar riba diasabra 29 di september cuminsando pa 8’or y mey di anochi na e luhoso Renaissance Convention Center.

E decoracion den e tema di “Dubai” lo ta uno espectacular unda e colornan briyante y vibrante lo enfoke  principal cu efectonan di luz, briyo, luho y hopi glamour. For di yegada e invitadonan lo keda impresiona y impacta cu un espacio netamente transforma p’e elementonan decorativo, cu ta laga bo sinti den un ambiente completamente diferente.

Tur e fondonan cu recauda durante e evento aki, ta destina pa cubri e diferente proyectonan cu Kiwanis Club of Aruba ta ehecuta na beneficio di comunidad durante henter aña. Como ehempel por menciona algun proyecto cu ta patrocina, manera; e clubnan hubenil Key Club Colegio Arubano & Key Club San Nicolas, Aktion Club Sonrisa,  Builders Club y Circle K EPI n’e schoolnan, pero tambe Back-to-School Project, Pasco den Bario, Smile Makers pa cuido dental pa mucha, Bon Bista p’e cuido visual pa mucha, Panda Book contra abuso sexual di e menornan, Kamishibai pa stimula contamento di storia pa mucha, Recyclaje di bays, Outstanding Student Awards na school secundario, proyecto di Hisamento di Flie, Campaña di conscientisacion den trafico Don’t Text & Drive, y hopi hopi mas.

Carchi ta na benta cerca tur miembro di Kiwanis Club di Aruba of por reserva carchi via Kiwanis Club of Aruba su Face Book page of via e website www.kiwanisclubofaruba.org.  Cumprando carchi pa “Dubai” Wine Gala, ademas di contribui pa un bon causa, bo lo bay goza di un anochi spectacular yena cu sorpresa, unda lo tin wine stations, variacion di keshi y un buffet exkisito di e arte culinario Arabe.

Adicionalmente pa complace tur gusto, lo tin un cash bar pa otro bebida. E combinacion musical tan spera cu ta priminti di pone tremendo ambiente riba e anochi aki t’e  banda di aña di Carnaval ‘N Fuzion, e banda revolucion di Aruba, Buleria, e impresonante Blue Boulevard Band y DJ Edson Tromp.

E dress code ta gala y e tema ta crea e oportunidad pa bisti cu e tokenan elegante, pa acentua e anochi di ‘Dubai’.  Lo tin varios ‘doorprize’ atractivo unda e main door prize lo ta un travel voucher di biahe caminda e ganador por scoge e destinancion di su soño.

Un danki inmenso ta bay n’e wine suppliers cu e aña aki atrobe (mescos cu tur aña) ta coopera cu Kiwanis Club of Aruba cu nan biñanan di renombre.

- Advertisement -

DUNA COMENTARIO

Please enter your comment!
Please enter your name here