Home Social Koningin Wilhelmina Kanker Fonds a logra recauda un bunita suma e aña...

Koningin Wilhelmina Kanker Fonds a logra recauda un bunita suma e aña aki

48
0
SHARE
- Advertisement -

ORANJESTAD (AAN): Presidente di Wilhelmina Kanker Fonds, Señora Lilly Prins a duna di conoce cu despues di 6 diasabra, desde April te cu 15 di Mei, nan a sali cu e hobennan boluntario pa colecta fondonan, y nan por anuncia e grato noticia cu nan a logra recauda alrededor di 75 mil Florin.

Esaki ta un bunita suma pa Wilhelmina Kanker Fonds, pasobra aña pasa nan a logra recauda 29 mil Florin. Segun Señora Prins, e biaha aki generosidad di pueblo tabata mas grandi, y el a probecha pa gradici esaki.

Cu e fondonan aki, nan lo por sigui traha y duna yudanza cu semper Wilhelmina Kanker Fonds ta duna na comunidad di Aruba, specialmente na pashentnan cu ta yega cerca nan, cu mester di cualkier ayudo den nan bataya contra cancer, Wilhelmina Kanker Fonds ta atende nan cu mannan habri.

Señora Prins kier a duna un danki na tur colaborado, na tur esnan cu a haci donacion y otronan cu semper a apoya Wilhelmina Kanker Fonds. WKF, manera ta conoci, ta conta riba donacionnan di comunidad di Aruba y actividadnan di recaudacion di fondo. Pa motibo cu nan no ta ricibi subsidio di gobierno. E trabao ta sosode door di e team di Wilhelmina Kanker Fonds pa por logra esaki.

Wilhelmina Kanker Fonds lo sigui cu nan trabaonan, esaki no ta para, e ta un trabao cu tin biaha ta 24/7. Constantemente nan ta bezig cu pashentnan, ta duna asistencia na esnan cu ta yega cerca nan pa cualkier yudanza. E gasto mas grandi ta keda tur aña, e necesidad di cuido di pashent na cas.

Pa luna di Augustus, WKF a organiza dos tayer relaciona cu estilo di bida. Nan lo tene demostracionnan di cushinamento y lo toca diferente topiconan. Den luna di September, dia 2 si September pa ta exacto, nan a organiza actividad anual, ‘Run, Ride and Walk for the Roses’ cu ta cuminsa pa 5:30 di mainta na Alhambra. Riba mesun anochi nan lo tene sorteo di nan rifa pa asina sigui recauda fondonan.

E premionan ta sumamente atractivo, manera un auto Kia Picanto 2018 full equipa; di dos premio ta 2 ticket pa Amsterdam di KLM; Maduro Travel a regala un ‘mystery travel’ di 7 dia cu ta inclui pasashi y hotel; y varios premio mas.

Señora Lily Prins a haci un apelacion di curazon na comunidad, pa cumpra e rifa y asina aporta pa yuda esnan cu tin mester di asistencia di Wilhelmina Kanker Fonds.

- Advertisement -

DUNA COMENTARIO

Please enter your comment!
Please enter your name here