Home Comercio KvK kier traha hunto cu ATIA y demas stakeholders

KvK kier traha hunto cu ATIA y demas stakeholders

9
0
SHARE
- Advertisement -

Pa crea proyectonan cu ta genera ganashi:

ORANJESTAD (AAN) — Camara di Comercio y Industria ta studia tur e problemanan cu tin, relaciona cu e situacion financiero-economico actual na Aruba.

Den entrevista cu sr. Ernst Mohamed, Presidente di KvK, el a splica cu tin documentacion cu a wordo traha al respecto, anto ta keda pusha riba e aspectonan den e sector di economia di Aruba.

E gana y e comunicacion y KvK kier traha hunto cu ATIA y e stakeholdernan den economia. Pero tin cu wak con lihe nan kier traha placa, con lihe mester bay tras di cierto decisionnan cu ta trece placa bek den caha di gobierno. Pasobra e unico modo pa baha tur costo ta si por gana mas placa.

Tambe a scucha cu nan ta papiando di e relacion cu Hulanda anto esaki ta un ‘strictly business relationship’, unda cu mester tene e dialogo habri cu e ‘banco’. Berdad tin cu biaha y mantene e dialogo habri y zorg pa haya e miho deal, pero tambe tin e presion unda cu nan kier cuminza wak e placa.

Eynan ta e mensahe caminda cu na Aruba tur instancia tin cu cuminza yuda y wak con por bin cu proyectonan of ideanan pa gana placa lihe.

Algun siman atras, gobierno a bin cu RVO (Rijksdienst voor ondernemend) cual KvK tambe ta forma parti di dje, unda cu por exporta, danki na subsidio di Hulanda.

Kvk ta contento cu e Minister di Economia a pusha pa esaki y hunto cu Departamento di Asuntonan Economico, a traha hopi duro pa trece diferente inversionista na Aruba, pero awor mester trece proyectonan cu por genera inversion cu por genera placa pa gobierno.

Esey ta motibo primordial y unico cu tur hende na Aruba, specialmente gobierno mester traha riba dje. A traha un presupuesto cu e finalidad di gana placa, pa no keda den promesa di politica sino cu por ehecuta y cumpli cu mas di locual a priminti caminda cu no tin plan pa genera placa.

Riba e punto aki Camara a planea sin e refineria, aunke ta spera cu si lo por logra. Pero mirando e situacion y e efectonan cu tin pa lanta refineria, KvK ta keda hopi esceptico. Mientras tanto no por keda warda. Ya caba nan ta bezig cu ATIA formando un comision cu hunto lo traha riba consehonan pa prome cu 1 di Januari 2019 bin cu cierto proyectonan real cu ta trece placa aden. Esey ta e meta cu KvK tin.

Nan a bay di acuerdo cu e palabra ‘temporal’ di 2.5%. E mester keda temporal, anto esey ta locual KvK ta traha riba dje hunto cu e otro stakeholdernan tambe. No bin mas cu proyectonan di bunitesa sino proyectona pa crea placa, unda cu gobierno mester tuma decisionnan aunke nan no gusta of no ta popular, pero a largo plazo por duna beneficio pa tur hende na Aruba unda cu “Financial Windfall” (ganashi financiero) lo beneficia tur hende. Den cualkier negoshi, tin algun decision mester wordo tuma, aunke nan ta impopular. Pero e bottom line ta conta.

Na Aruba tin un linea di fondo y si kier drecha e relacion cu Hulanda y den exterior cu banconan of e hende cu ta fia placa, mester cuminza tuma e decisionnan cu e hendenan, cu despues por logra kita un 2 of 3 % den e linea di pago y asina por baha e gastonan y Aruba bira solvente atrobe, segun Sr. Ernst Mohamed, presidente di KvK.

 

 

 

- Advertisement -

DUNA COMENTARIO

Please enter your comment!
Please enter your name here