Home Impuesto KvK no ta para keto pa yuda haci e sistema di belasting...

KvK no ta para keto pa yuda haci e sistema di belasting mas facil y baha gasto di gobierno

15
0
SHARE
- Advertisement -

ORANJESTAD(AAN): Pa Camara di Comercio, nan tin un comision cu ta bezig pa bin cu paar di punto con por haci e sistema di belasting mas facil, pero tambe tin un comision cu ta traha pa baha gastonan di gobierno. Na fin di dia, ta e ministernan of ta e gobierno tin cu tuma e decisionnan. Loke si ta conseho di Camara di Comercio, ta pa percura pa e pueblo down the line, cu no tin mas gasto, cu no tin mas medida contra comercio, pasobra na final di dia, si bo castiga of tuma un medida contra comercio, bo ta tuma medida contra pueblo. Comercio ta djis hisa prijs of nan ta busca un otro modo cu nan no ta bay come e gasto, sino e consumidor. Indirectamente kier pa e consumidor no haya mas halto cu nan. Pa e poder di compra keda den man di gobierno di Aruba.

Mohamed a sigui comenta cu si planea tur cos bon, bo por haci tur cos cu bo por. Ta bezig ta papiando cu un grupo, pero lamentablemente minister a cancela su reunion y e grupo aki tin e advies pa gobierno cu por trece entrada di 80 pa 100 miyon pa caha di gobierno y esey ta spera reuni cu e minister aki pa por scucha e grupo pa wak con pa aumenta e entrada di gobierno. Pesey ta importante pa e gobierno cuminsa scucha Camara di Comercio y hendenan cu ta bin cu nan. Camara di Comercio no ta busca pa saca di gobierno, sino busca placa pa trece pa gobierno. Esey ta mensahe di Camara di Comercio, bring money into your coffers.

E grupo a bisa cu si nan tin un reunion cu minister, nan por yuda e caha di gobierno cu 80 miyon. Ora cu caba di papia cu minister hunto cu e grupo aki, por saca afo kende nan ta y con nan por haci’e.

Camara di Comercio no ta papia di medida. Ta papia di con ta trece placa bek den gobierno sin pone medida. Tin solucionnan eynan cu no ta costa placa, cu si ta trece placa aden. Papiando cu un grupo, ta bezig cu e minister y ta spera cu e minister duna chens pa papia mas lihe posibel. Mas lihe sinta cun’e, mas lihe por trece padilanti con 80 pa 100 miyon florin por drenta caha di gobierno mas rapido posibel.

- Advertisement -

DUNA COMENTARIO

Please enter your comment!
Please enter your name here