Home Gobierno Lider di Partido POR lo bolbe haci varios pregunta na Minister di...

Lider di Partido POR lo bolbe haci varios pregunta na Minister di Enseñanza

77
0
SHARE
- Advertisement -

Tocante preparacion pa ehecuta Ley di Creche:

ORANJESTAD (AAN) — Diamars mainta a tuma lugar e conferencia semanal di prensa, di fraccion di Partido Pueblo Orguyoso Respeta (POR).

Parlamentario y Lider di e fraccion di POR a hiba palabra y a referi na e tema di e participacion di Parlamento di Aruba den e reunion inter-parlamentario di Reino Hulandes (IPKO), y tambe tripartite, cu a tuma lugar na Hulanda.

Tabata tey representantenan di MEP, AVP, RED y POR unda cu durante e prome siman nan a reuni tocante diferente tema di interes comun, tanto pa Aruba como pa e demas paisnan di Reino.

Temanan manera Geschilenregeling y e situacion cu Venezuela a bin dilanti durante e reunionnan di IPKO. Y durante e reunionnan tripartite cu ta nifica reunionnan entre e Islanan di Caribe Hulandes: Aruba, Curacao y Sint Maarten, cu tambe tabata tin encuentro y a trata diferente punto.

Ademas di e reunionnan a realiza bishitanan di trabao, unda a haci esaki cerca diferente Instancia manera Eerste Kamer, Tweede Kamer, Ombudsman, Raad van Staten, y diferente lugar cu ta relevante pa e trabao di e parlamentarionan.

Despues di e reunionnan aki, cu a bay na un forma satisfactorio, drs. Lopez-Tromp a indica, e por bisa cu un bez nan a bin bek Aruba, e kier a trece algun aspecto cu merece di atencion.

E lider di Fraccion di POR a referi na varios pregunta cu el a haci den pasado, di cual un di nan ta un cu el a haci na Minister Lampe, Titular di Educacion, pero e no a haya contesta por escrito ainda al respecto.

Durante cu a trata presupuesto algun contesta a bin dilanti, tocante e tema di Kinderopvang (e ley di crèche).

Esaki ta un ley cu Parlamento a aproba basta tempo pasa, y e intencion ta pa e bin na vigor den e tempo aki nos dilanti.

“Mi a haci e pregunta pa sa si gobierno, den e caso aki Minister di Educacion, a prepara pa e ley aki y con leu e ta den e ehecucion di e preparacion, pasobra ta trata aki di centenares di centro pa mucha, cada un cu un nivel y preparacion diferente, y cu tin cu prepara nan mes pa ora yega asina leu, cu manera e ley ta bisa nan mester tin un permiso pa por opera of habri un crèche na Aruba”, Parlamentario drs. Lopez- Tromp a señala.

Parlamentario sra. Marisol Lopez-Tromp a indica cu e vergunning aki ta mara na diferente aspecto di calidad, higiene, espacio, nivel di e lidernan di crèche y ki opleiding nan tin, aspectonan di seguridad den e centronan di mucha, etc.

“Esaki ta e aspectonan cu mi ta mandando pregunta un bez mas na Minister Lampe pa bisa nos con leu e ta cu e preparacion aki pa cu nos centronan di mucha na Aruba”, Parlamentario drs. Lopez- Tromp a expresa.

- Advertisement -

DUNA COMENTARIO

Please enter your comment!
Please enter your name here