Home Parlamento Mas logro di gobierno anterior di AVP ta saldo positivo di AZV...

Mas logro di gobierno anterior di AVP ta saldo positivo di AZV y surplus di SVb

30
0
SHARE
- Advertisement -

Parlamentario Mervin Wyatt-Ras:

ORANJESTAD (AAN): Recientemente Director di AZV, drs. Ringeling, a declara cu pa aña 2017 AZV tabatin un saldo positivo di 30 miyon Florin. Director di SVb, ir. Jacobs, a declara cu cuentanan annual di SVB a mustra pa aña 2017 cu tur 5 fondo di SVb tabatin un surplus. E director a elabora encuanto di e fondo di pensioen cu a subi cu 236 pensionado te na un total di 21.194 pensionado cu un surplus di alrededor di 45 miyon Florin y e surplus di e fondo di seguro di malesa di 112 mil Florin.

E cantidad di trahador a subi cu 2162 te na total 42.119 trahador. Un subida di 5.3% di trahadornan. Manera e director di SVb a splica esakinan ta resultado di reforma di ultimo 2 aña. Tin mas trahador cu ta inskribi y tin cu hasta pag boet si no ta inskribi. Ademas door di cooperacion cu DIMAS trahadornan cu ta registra tin cu paga na SVb. Esaki ta basa ariba leynan cu a pasa den parlamento den e periodo 2015-2016. Sigur gobierno di AVP a salvaguardia interes di nos pensionadonan y di nos trahadornan. Gobierno di Avp a duna e fondo di SVb e tools pa por para fuerte.

Ta straño si, segun Wyatt-Ras, cu gobierno aki ta keda keto keto sin menciona e entradanan aki pa gobierno. Ademas gobierno tin como entrada dividendo di diferente companianan estatal, pero asina mes gobierno ta skohe pa atraca nos ciudadanonan cu medidanan di aumento di BBO pa paga pa gastonan cu gobierno a aumenta di personal y di goederen en diensten. Hasta awor a resulta cu Banconan tambe lo mester paga BBO di cual nan tabata exonera di no paga. Sigur esaki lo tin su efecto ariba tur esnan cu tin nan cuenta na Banco. Asina pues por mira cu subida di BBO tin un impacto hopi mas grandi cu gobierno a pinta pa pueblo. Y awor CAft su advies ta indica cu minister di Finanzas Xiomara Maduro mester bay baha gastonan di personal.

Tanto cu e señora aki a hiba y trece informacion pa Hulanda por bin cu CAft naAruba, awe e mes ta lucha cu Caft. Lider di MEP, Evelyn Wever-Croes tanto cu el a a bisa cu e ta bay kita Caft awe e mester a bay Hulanda pa delibera pa CAft sigui y pa e tene su mes na e normanan di CAft. Eseynan ta buelta di bida. Hulanda a duna e minister 2 aña so pa e por cumpli cu normanan di CAft pa yega na un surplus y dentro di 2 siman gobierno mester contesta na Hulanda con e lo baha e cantidad di personal. Hulanda a duna gobierno diferente “herkansing” pa e prespuesto yen di fout cu Raad van Advies mes a duna un “dikke onvoldoende”.

Nos pueblo ta despunta di e gobierno aki cu envez di cumpli cu loke a priminti den campaña ta haci net lo contrario. A priminti di goberna sin medida y promer cos cu ta cuminsa cun’e ta medida di aumento di BBO te na 6 %.

A priminti 7 ministers y apesar di tur cos tog ta pone 8 ministers  A priminti trabao pero no a haci nada pa habri CITGO, a priminti cu lo elimina CAft y awe ta yora cu Hulanda pa duna nan un otro chens. Gobierno a priminti di baha prijs di awa y coriente y no a cumpli. Hasta prijs di gasolin a subi. Tampoco no a hisa salario minimo ni a baha e edad di pensioen. Asina por sigui cu mas ehempel.

Wyatt-Ras ta lamenta cu nos pueblo tin cu bay paga pa gastonan nobo cu gobierno a haci. Pues mester stop di culpa gobierno anterior y cuminsa pone e ser human central.

 

- Advertisement -

DUNA COMENTARIO

Please enter your comment!
Please enter your name here