Menaza y maltrato a termina cu detencion na Sabana Basora Noord

ORANJESTAD  (AAN): Diadomingo atardi Polisnan a wordo manda poco pura den direccion di Sabana Basora Noord. A drenta informacion cu tin problema serio cu agresion. Tambe a drenta informacion cu tin hende arma envolvi.

Ora cu Polis a yega na e sitio e prome unidad a pidi pa manda refuerzo mesora. Na yegada di mas unidad a bay over na actua mesora. A haci detencion pero no a haya arma manera tabata wordo menciona. Si a haci detencion pa menaza y agresion.

E sospechoso basta hoben a wordo hiba warda di Polis na San Nicolas unda e mester bay duna cuenta pa su actuacion. Polis a tuma declaracion y a bisa esnan envolvi cu por entrega keho tambe.