Home Impuesto Mescos cu varios impuesto a bin acerca, tin ahustacionnan positivo a tuma...

Mescos cu varios impuesto a bin acerca, tin ahustacionnan positivo a tuma luga

23
0
SHARE
- Advertisement -

ORANJESTAD   (AAN): Tin varios cambio di ley cu tin di haber cu cierto impuestonan cu tin cu ta paga, entre otro BAZV a aumenta, a bin un otro impuesto acerca.

Louenne Pieters, directora di Departamento di Impuesto, a splica cu tabata tin e concepto di ley cu a wordo presenta siman pasa, unda cu a trata diferente cambio, no solamente ley di BBO, pero otro leynan vigente, cu por acapara no solamente entradanan extra pa mehora e situacion financiero cu nos ta aden, pero pa duna cierto compensacion di esnan di menos recurso, caminda cu a aumenta tambe e reparatietoeslag, pa esnan cu tin solamente un AOV Uitkering, cu 25 florin.

E reparatietoeslag mes a wordo ahusta. Pa esnan cu ta trahando y tambe tin otro tipo di compensacion manera verlaging di AZV Premie pa e pensionadonan di 10.5 porciento, na 6.5 porciento.

Eseynan tur ta costa gobierno placa. Ora cu wak e totalidad di un presupuesto, e ta costa cen y di otro banda tambe a bin cu cambionan pa ahusta e entrada di impuesto cu ta wordo genera den su totalidad.

E BBO a keda na e mesun porcentahe cu nos conoce, cu ta 1.5 porciento. A introduci un belasting nobo, cual ta Belasting aditionele voorzieningen PPS Projecten. Esaki no ta un bestemmingsheffing manera BAZV, pero ta algo cu ta bay den Algemene Middelen den landskas. Esey ta 1.5 porciento.

BAZV manera cu nos conoce, a wordo ahusta di 2 pa 3 porciento. En total ta papia aki di 6 porciento, no di aumento, pero 2.5% di aumento. Esaki lo trece cun’e pa presupuesto di 2018. Esaki ta spera cu esaki lo trece un 70.6 miyon florin extra den caha di Gobierno y pa 2019 e ta 169 miyon florin extra, cu e ahuste aki.

Tambe tin otro ahustenan cu a tuma luga, unda cu ta papia di un hypotheekrente aftrek cu tabata tin un gap di 50 mil florin aftrek pa aña. 50 mil florin ta baha pa 40 mil florin aftrek pa aña. Den ley di BBO tambe tin cierto cambio cu a wordo haci cu ta duna Belastingdienst tambe un tiki mas espacio pa por cobra den casonan cu ta trata companianan di afo, cu ta duna servicio akinan. No ta tur ora e ta registra cu por verleg e deber di cumpli cu impuesto na esun cu ta afnemer di e servicio.

Overall tin ahustenan chikito, un porcentahe cu ta cambia ta ahusta den e sistema automatisa di Departamento di Impuesto. Si no lo cambia declaracionnan di BBO, mirando cu esaki ta trece extra gasto cun’e. Clientenan a haya nan declaracion di BBO/BAZV for di comienso di e aña aki. Fin di aña pasa a cuminsa otorga esakinan. Si lo cuminsa den luna di Juni, duna e informacion basico na e clientenan. Tambe tur hende pa sigui nan pagina di Facebook, unda cu lo pone cierto tutorials y tambe extra informacion unda pa yena belasting, con pa yena e formulario.

Por bisa cu ta mira hendenan ta bira hopi creativo ora ta trata impuesto, con pa raporta, si ta one of no den factura, con ta raport’e den administracion. Ta bay purba di ta hopi cla den esaki pa tin un liña con pa raporta esaki, con ta haci e declaracion y naturalmente e pagonan ta poni den ley manera e mester sosode. Esta tur 15 di cada luna ta bay haya cu pa e luna cu a pasa, e omzet cu a keda genera lo mester wordo entrega na Belastingdienst.

Cu e informacion cu lo pone ta haci un apelacion na clientenan pa sigui nan riba nan website y pagina di Facebook, caminda cu nan lo bay duna, segun e dianan cu ta pasa den luna di Juni. Ta cuminsa cu  nan campaña di informacion, cu lo duna informacion detaya kico por spera.

Tin otro cambionan tambe cu a bin cu e cambio, e tratamento di ontwerp siman pasa, por ehempel cu ta un parti di belastinghervorming. Mester bin un reforma fiscal na un escala mas grandi. Pero a cuminsa cu ahustenan chikito den ley. Por ehempel ta e succesie belasting cu tambe lo wordo aboli per 1 di Juli. Y tambe e publieke verkopingsbelasting. Ta belastingnan chikito cu no ta genera hopi cen pa presupuesto di caha di gobierno pero si ta verg hopi tempo y inzet di e trahadonan pa por atende cu esakinan.

Ta cuminsa stapnan chikito. Otro siman tin reunion cu minister y tambe prome minister, pa scucha di nan banda, den un grupo di trabao, pa mira kico ta e reforma fiscal grandi. Kico ta cosnan cu tin cu atende cun’e, kico lo tin cu haci mas simpel, kico ta e leynan cu tin cu atende cun’e. Leynan di belasting ta data di hopi aña atras y segun cu ta innova tambe tin cu bay mee. Ta bay cuminda cu un grupo di trabao pa otro siman, pa cuminsa delinea kico lo bay bira e cambionan den e leynan fiscal.

 

- Advertisement -

DUNA COMENTARIO

Please enter your comment!
Please enter your name here