Home Gobierno Minister Andin Bikker: Gerald Fingal cu reto nobo den Comision di Mediacion

Minister Andin Bikker: Gerald Fingal cu reto nobo den Comision di Mediacion

19
0
SHARE
- Advertisement -

Trudy Hassel y Sr. Matos ta conforma e management team di IASA

ORANJESTAD (AAN) – Relaciona cu e Instituto Alarma y Seguridad Aruba (IASA), Minister di Husticia mr. Andin Bikker a anuncia un cambio cu ta bay tuma lugar ora cu e ta bira Migracion Aruba.

E mandatario a duna di conoce cu el a combersa cu Hefe di IASA sr. Gerald Fingal, y nan a yega na un acuerdo cune pa asumi retonan nobo.

Fingal ta bay yuda e mandatario cu e Comision di Mediacion, cu el a anuncia siman pasa, den e miles di caso cu ta sin resolve di LTU y e ta dispuesto pa hacie tambe, ademas di e retrasonan cu tin den DIMAS, cu awor cu Ministerio di Husticia a wordo amplia cu e dimension di DIMAS, practicamente tur dia ta surgi hopi caso di preocupacion tocante permisonan cu no ta wordo duna na tempo, y hopi formalismo.

E mandatario a subraya cu como servidor di pueblo e kier atende cu tur e kehonan cu tin, y e kier pa economia sigui draai. Den e sentido aki el a pidi sr. Fingal su cooperacion cu e conocimento cu e tin.

Na mes momento e mandatario a institui un maneho nobo mientras tanto e procedurenan ta cana, cu ta consisti di sra. Trudy Hassel y sr. Matos, cu lo bay atende cu e departamento anticipando e formacion di Migracion Aruba.

Minister Bikker a señala cu Warda Nos Costa y IASA ta den un proceso unda cu lo bay fusiona nan den e organizacion Migracion Aruba y e dignatario ta den combersacion cu e sindicatonan pa scucha nan.

Ora cu el a asumi e ministerio di Husticia el a bin scucha cu e sindicatonan a expresa cu nan no a wordo consulta debidamente, durante e proceso. E mandatario a indica cu aworaki lo bay den un proceso di consulta cu ta canando y e ta spera cu ora conhuntamente cu gobierno, esaki finaliza, lo bay over na institucion di Migracion Aruba.

Mientras tanto ambos Instancia ta bay resorta bao di un management team temporal, cu ta bay ta bao maneho di sra. Trudy Hassel y sr.  Matos.

- Advertisement -

DUNA COMENTARIO

Please enter your comment!
Please enter your name here