Home CURACAO Minister Bikker cu bishita fructifero na Corsow

Minister Bikker cu bishita fructifero na Corsow

6
0
SHARE
- Advertisement -

Entre otro cerca Consul di Merca:

ORANJESTAD (AAN) – Minister di Husticia mr. Andin Bikker a declara den conferencia di prensa di gobierno, Dialuna mainta, cu siman pasa e tabata tin un bishita hopi fructifero na nos Isla ruman Corsow.

Entre otro el a reuni cu e Consul di Merca, cu ta nos partner mas grandi di turismo y comercio, y nos florin ta mara na dollar, loke ta nifica cu Aruba su economia practicamente ta depende hopi di e lazonan di amistad cu Merca.

Aki e dignatario a atende cu otro asunto cu gobierno anterior no a haci debidamente. Esaki ta cu e Consul a expresa cu aña pasa nan a manda un carta na Ministerio di sr. Sevinger, e momento ey, tocante nan preocupacion tocante loke un studiante (of un comerciante), di Merca cu ta bin establece na Aruba, ta paga pa establece akinan.

Den comparacion cu loke nan ta cobra na studiantenan di Aruba cu ta bay establece na Merca tin disparidad y nan a pidi pa coloca e fondonan aki na un nivel igual.

E mandatario ta lamenta cu gobierno anterior no a atende cu e asunto aki di forma diligente, y incluso nan tabata tin un comunicado di prensa cla pa anuncia cu nan ta bay hisa e costo aki unilateralmente.

Durante e bishitanan di cortesia, e mandatario a tuma nota di esey y mesora el a duna nan di conoce cu lo traha diligentemente riba esaki y awe e ta bay Ministerraad cu un proposicion.

E mandatario a indica cu nan a lubida cu ora e studiantenan ta bin establece na Aruba nan tin acceso na AZV, pero en todo caso e ta dispuesto pa revisa e costo aki pa pone nan na nivel igual, pasobra Merca ta hopi importante pa Aruba su economia y tin un tratado di amistad cu ta data di 1954 cu Hulanda y di cual Aruba tambe ta parti di dje.

Gobierno ta balora e bon relacionnan cu Merca y ta mas cu dispuesto pa evalua e cobranzanan aki na un nivel di reciprocidad cu nan ta sinti nan mes confortable y no mester bin na extremonan.

E otro ehemplo cu e mandatario a trece dilanti ta un carta cu a bin di Hulanda y cu ex-minister Sevinger no a atende cune, te cu Hulanda a pone 1 di Januari 2018 como deadline pa reconocimento di cierto permisonan, cu e mandatario no a zorg pa duna un base legal of suficiente. Durante e bishita di Minister Bikker na Hulanda, na Maart, a logra extende e intencion di Hulanda te 1 di October, pa asina gobierno traha diligentemente riba esaki.

- Advertisement -

DUNA COMENTARIO

Please enter your comment!
Please enter your name here