Home Gobierno Minister Dangui Oduber contento cu e rutanan nobo anuncia pa Delta Airlines

Minister Dangui Oduber contento cu e rutanan nobo anuncia pa Delta Airlines

33
0
SHARE
- Advertisement -

ORANJESTAD  (AAN):  E industria turistico ta sigui demostra desaroyonan positivo pa nos destinacion, e biaha aki for di e sector di aviacion. 9 di juni 2018 un ruta nobo lo habri cu e aerolinea Delta Airlines.

Esaki lo consisti di un vuelo semanal riba diasabra for di Boston, Maine. E vuelo lo wordo realisa cu un avion tipo B737-900 cu un capacidad di 180 stoel.

Pa Aruba, esaki ta nifica un potencial pa crecemento adicional den turista nan mericano a traves di diferente conexion via Merca.

Minister Dangui Oduber ta sumamente contento y orguyoso di mira e vuelo aki bira realidad. E ruta nobo ta habri mas posibilidadnan pa rutanan adicional for di mercado nan Mericano.

Delta Airlines actualmente ta operando cu vuelonan diario for di JFK, New York y tambe Atlanta. Den aña 2017 e aerolinea a trece un total di 130,593 pasahero, esey ta 7,709 pasahero mas compara cu aña 2016. Actualmente e aerolinea ta number 4 den e mercado mericano cubriendo 11 porciento.

E aerolinea Delta Airlines ta un socio importante pa nos turismo y ta operando na Aruba ya desde aña 1999. Aruba su relacion estrecho cu Delta Airlines ta sigui hisa calidad di nos turismo y sigui fortifica e ruta nan existente cu Aruba tin cu e aerolinea pa mas di 19 aña caba.

Minister Dangui Oduber ta felicita tur stakeholder cu e noticia positivo aki cu ta ofrece posibilidadnan mas amplio pa yega Aruba y ta hopi contento cu e logro aki pa cu turismo di Aruba. Di e manera aki minister Oduber ta sigui traha duro pa engrandece nos turismo y sigur cumpli cu su vision di trece turistanan di calidad.

 

- Advertisement -

DUNA COMENTARIO

Please enter your comment!
Please enter your name here