Home Gobierno Minister Dangui Oduber contento di por anuncia cu proyecto di renobacion di...

Minister Dangui Oduber contento di por anuncia cu proyecto di renobacion di e Pier na Palm Beach ta cla

23
0
SHARE
- Advertisement -

ORANJESTAD (AAN): Minister di Turismo, Salubridad Publico y Deporte, Sr. Dangui Oduber ta contento di por mira e pier dilanti RIU Antillas completamente renoba. E proyecto aki ta bay contribui na eleva e calidad di e producto Aruba pa asina atrae e turistanan di calidad. Tambe e renobacion aki ta importante pa tur nos localnan cu ta haci uzo di e pier.

Manera por corda e pier aki tabata den un mal estado, den deteroria y peligroso pa haci uzo di dje. E toren manera e ta ser yama den boca di pueblo, ta safe un biaha mas pa uza. Hopi ta nos hendenan local pero tambe e turistanan cu ta haci uzo di e toren aki. E proyecto aki a worde realisa door di un “Public-Private Partnership” conhuntamente cu gerente general di RIU Antillas. Di e manera aki Gobierno y sector priva ta traha hunto pa mehora e producto Aruba y den e caso aki sector priva a mustra disponibilidad pa cubri e inversion aki.

Minister Dangui Oduber a keda sumamente satisfecho cu e “Public-Private Partnership” aki. Aruba por ta orguyoso di por haci uzo di un pier completamente renoba y safe.

- Advertisement -

DUNA COMENTARIO

Please enter your comment!
Please enter your name here