Home Parlamento Minister Oduber no por hustifica prolongacion di huur

Minister Oduber no por hustifica prolongacion di huur

53
0
SHARE
- Advertisement -

Parlamentario Marlon Sneek

ORANJESTAD(AAN)– Durante tratamento di presupuesto 2018, fraccion di AVP a dirigi diferente pregunta na minister di infrastructura relaciona cu e mudamento di DTI pa un edificio nobo y mas moderno na Barcadera y na mes momento a puntra e mandatario si e por a duna un splicacion riba e diferencia cu tin entre e edificio nobo aki y e edificio cu tabata wordo uza pa keur auto na Pos Chikito.

Marlon Sneek, lider di fraccion di AVP a mustra cu minister di infrastructura a mustra cu e edificio nobo lo costa 200 mil mas cu esun bieu pa aña pero na mes momento a confirma cu e edificio ta un facilidad mas moderno, cu tur aspectonan necesario cu cual por brinda miho servicio na comunidad.

“E minister mes a splica cu ta trata di un eficio cu tin diferente aspecto cu e trahadonan no tabatin den e edificio na Pos Chikito, manera miho ventilacion pa elimina e huma di auto rapidamente cu ta permiti e trahadonan funciona den un ambiente menos peligroso pa nan salud.

Tambe e edificio nobo tin cuater sistema pa controla brake di auto un uno pa bromer, y  vrios muraya como glasnan den e edificio ta dobel pa asina mantene un temperatura adecuando den cual e trahadonan por funciona  aden.

Den tur loke minister a informa Parlamento durante tratamento di presupuesto ta mustra cu e cambio pa  Barcadera tabata pa miho caminda entre otro e departamento lo por atende mucho mas auto cu tabata e caso na e edificio di Pos Chikito.

Ora cu nos analisa e observacionnan aki di e minister di infrastructura Oduber, ta lanta e pregunta e ora di con mester a prolonga huur di e edificio na Pos Chikito despues cu gobierno anterior a cancela esaki y ta mas cu claro cu ta yega na e conclusion cu aki ta un fabor ta wordo haci na un sponsor, na doño di partido.

Di un dia pa otro a dicidi di muda Serlimar pa e edificio aki caminda e departamento aki pa añanan largo no a conoce gasto di huur den su edificio propio na San Nicolas mientras cu e edificio ey ta den bon condicion loke a pone e minister bay grawata cabes pa mira con e lo hustifica e contract duna na su sponsor.

Di eynan a lanta otro locura mas cu trece un sistema di reciclage na Pos Chikito y mientras cu e minister ta trata di splica cu esaki lo no ta un problema pa e bario, ta un hecho cu mester transporta sushi pa Pos Chikito pa asina e pasa den e proceso di reciclahe cu tur consecuencia cu esaki lo trece cune.

Minister ya no tin splicacion pa duna pa hustifica e fastball cu el a pasa den parlamento y den su conseho di minister cual decision ta aumenta e gasto di operacion di gobierno cu entre 700 pa 800 mil pa aña sin cu esaki tabata necesario.

Aki ta bon pa mustra cu mientras cu su partido ta sosten un pakete di medida devastado contra pueblo cu aumento di BBO y BAZV, cu lo bay cambia bida di gran parti di nos hendenan, minister ta aporta mas gasto ainda pa pueblo paga dor di huur e edificio aki sin cu tabatin mester.

Henter e asunto aki ta algo inaceptabel y cu sigur e pueblo di Pos Chikito lo no tolera pa sosode, mirando tur e contratiempo cu esaki lo trece cune pero aki atrobe ta pueblo tin cu paga pa sponsor y ‘friends & family’ Sali beneficia di tur e maniobranan aki,” Parlamentario Marlon Sneek a mustra.

- Advertisement -

DUNA COMENTARIO

Please enter your comment!
Please enter your name here