Home Gobierno Minister Oduber ta bay Corte pa busca un solucion pa Parke Nacional...

Minister Oduber ta bay Corte pa busca un solucion pa Parke Nacional Arikok

184
0
SHARE
- Advertisement -

Despues di constata “mala fe” di e bestuur:

ORANJESTAD (AAN) — Minister Otmar Oduber, titular di Infrastructura, Medio Ambiente y Desaroyo Teritorial a cuestiona severamente, un documento di cinco pagina cu e Bestuur (saliente) di Parke Nacional Arikok a manda pa su persona, den cual nan ta señala cu Minister kier mete den e maneho di e parke y haya mas poder y mas firmamento den e NGO’s.

E mandatario a bisa cu rotundamente esaki no ta berdad y cu no tin un gobierno cu den añanan ta dunando mas balor na NGO’s cu Gabinete Wever-Croes.

Minister Otmar Oduber a mira e mala Fe cu e bestuur aki a mustra, y di cual tin dos prueba den dos documento cu el a haya Diamars ultimo.

El a indica cu banda di e statutonan cu e bestuur a cambia sin comunica e minister, gobierno ni Parlamento, ni a informe siendo cu nan a sinta na mesa como den tres ocasion, cu nan ta cambiando e statuto. E minister a puntra si nan a notifica e gobierno anterior por escrito tocante esaki y el a haya sa cu no. Tampoco cu e gobierno anterior tabata tin comunicacion al respecto.

Pero si a notifica e empleadonan y a crea un caos cerca nan, door di publica un memorandum cu tabata contra e acuerdo pa cambia e statuto bek na su forma original. Despues, un carta a bin den e caso aki for di Hulanda, unda cu ta wordo bisa un monton di cos cu no ta corecto y cu a resulta cu dos miembro di e bestuur actual ta hinca den esaki.

Pa ultimo, mientras tabata tin palabracion cu nan ta bay pafo di prensa, y cu tabata tin un reunion cu tabata bayendo hopi positivo y bon, y tur conforme a wordo palabra, diripiente ta bira sin notifica gobierno, Diamars mainta e dignatario a haya un email pa 5.13 or di mainta, di un di e voorzitter di e bestuur, cu ta bise cu e statutonan a bay cerca e Notario pero cu mester warda un tiki pasobra e ta cu vacacion.

No obstante un dia prome, esta dia 18 di Juni, e mesun voorzitter ta manda un carta di retiro pasobra nan no ta haya e gobierno serio.

Pues el a manda un email dia 19 mainta bisando cu un par di detaye falta den e texto pero e lo keda cla otro siman (pasobra e notario ta cu vacacion), y dia 18 atardi kiermen un dia prome nan a firma un carta di retiro cu henter un storia patras cu no ta clop at all y no ta conforme en realidad.

No obstante Corte si a haya for di e señora di un di e miembronan (cu den e discusionnan a mustra cu tin conflicto pasobra e tabata voorziter di otro organizacion y tambe di directiva di PNA, y a acepta esaki den un reunion) a pidi pa nombra un directiva nobo.

E dignatario a expresa y puntra: “anto nan ta bisa cu nos ta actua di mala fe? Si esaki no ta un ‘coup’ kico ta un ‘coup’ anto? Y a mi no ta pa un ‘coup’ contra 20 porciento di teritorio di Pais Aruba”.

E mandatario a sigui bisa cu si nan kier para pe, y defende nan mes tras di un capa cu ta cos bon so nan ta haci, e tin prueba pa mustra prensa cu nan tin mala fe.

E mandatario a señala cu un di e cambionan den estatuto tabata pa nan por a uza fondonan di e parke pa nan cumpra tereno sin traspasa esaki pa nos Pais.

Minister Oduber a menciona tambe cu e tabata tin e señora cerca dje, cu a bise cu tur cos ta cla y cu e “deal is on” te ora el a bise cu ningun “deal is on” pasobra no ta negocia den teritorio cu Parlamento di Aruba y Gobierno ta percura pa tin un Stichting pa beheer e teritorio proteha pa naturaleza di Aruba.

Diaranzon mainta Minister a reuni cu abogadonan di gobierno pa bay Corte y aplica e punto 6.6 di e statuto pa yega na un solucion mucho mas elegante di loke e bestuur kier presta su mes pa haci cu nos pais.

E dignatario a señala cu pueblo lo realiza y tur instancia cu a manda e papelucho rond di Aruba, ken ta serio, ken tin e pais aki di berdad na pecho, of ken ta bezig cu nan mesun ego, creencia y ta purba fortalece nan mes.

“Ami ta para pa pais Aruba, y pa bienestar di Parke Nacional Arikok”, Minister Otmar Oduber a señala.

- Advertisement -

DUNA COMENTARIO

Please enter your comment!
Please enter your name here