Home Comercio Minister Otmar Oduber a splica tocante e control di Task Force dialuna...

Minister Otmar Oduber a splica tocante e control di Task Force dialuna anochi

134
0
SHARE
- Advertisement -

Den kiosconan riba acera na high rise area:

ORANJESTAD (AAN) – Minister di Infrastructura y Desaroyo di Medio Ambiente, den conferencia di prensa di gobierno Diahuebs mainta, a lanza e Plan di Maneho di Medio Ambiente. Esaki despues cu el a toca un par di tema mas.

El a cuminza pa e control cu e team di Task Force di InfraAruba a realiza Dialuna ultimo den oranan di anochi, y cu a genera diferente pregunta di prensa.

E Task Force aki ta forma pa e departamentonan cu ta cay bao Infrastructura y Cuerpo Policial. Ya caba algun siman pasa e dignatario a anuncia e maneho encuanto tur e borchinan y uso ilegal di caminda publico den e area di hotel conoci como “high rise”, entre otro kiosconan cu no tabata tin vergunning. E mandatario a señala cu e maneho cu tabata existi den pasado ainda ta existi, y durante e bishita cu e Task Force a haci na e lugarnan aki un total di 47 process verbal a worde duna. E mandatario a bisa cu a brinda e oportunidad na cada persona cu a haya process verbal, pa durante e siman aki presenta na DIP pa por atende e asunto aki, unda cu pa añanan a tolera cu a uza propiedad publico pa actividadnan economico-financiero-comercial, pero cu nunca a regla un permiso ni pago; sea un precario vergunning of erfpacht, of cualkier otro tipo di pago cu mester a tuma lugar.

E mandatario ta considera cu ta alarmante cu un total di 47 process verbal mirando cu nan ta haci uso di propiedad di pueblo sin cu mester a paga pa esaki.

E dignatario a expresa cu nan no a bay over na bisa cu mester elimina of kita nan pero a duna oportunidad na un forma mas positivo. Polis tabata hunto cu DIP pa percura pa e aceranan of lugarnan cu ta necesario pa keda habri, keda habri, y naturalmente duna e oportunidad pa legaliza cierto di e actividadnan aki semper y cuando e negoshi aki no obstaculiza e seguridad di e peatonnan y cumpli cu e plan cu tin pa e area, paga y bay back den caso di un precario, e ultimo tres añanan cu ta loke ley ta permiti y si ta erfpacht cu ta cinco aña, pa nan regla esaki.

E mandatario a indica cu esaki fuera di e hecho di paga loke ta husto pa paga pa uza e propiedad di comunidad di Aruba, tambe ta pa reorganiza y ordena e area aki cu ta hopi ocupa pa turista y localnan cu ta bishita e sector aki y evita cu den futuro por haya problema cu seguridad den e area aki.

Ya caba como seis siman pasa, durante un conferencia di prensa, e mandatario a notifica tocante e control cu a bay tuma lugar pa cada persona atende cu esey y regla nan asuntonan.

- Advertisement -

DUNA COMENTARIO

Please enter your comment!
Please enter your name here