Home Gobierno Minister Otmar Oduber ta mustra cu convenio firma cu FCCA ta muestra...

Minister Otmar Oduber ta mustra cu convenio firma cu FCCA ta muestra di respet y compromiso comparti

60
0
SHARE
- Advertisement -

Na beneficio di e pueblo Arubano

ORANJESTAD   (AAN):  Dialuna a tuma luga firmamento di un convenant entre Pais Aruba y FCCA cual ta un momento historico. Si reflexiona riba e relacion entre Pais Aruba y FCCA durante di e ultimo añanan, por tuma nota cu e relacion no tabata bon. Den pasado no tabatin colaboracion ni tampoco respet. E Minister anterior na dado momento te hasta a trata na cambia esnan encarga cu e maneho di FCCA. Tur esaki a conduci cu construccion di cas social no tabata riba lista di prioridad, y durante di e ultimo 8 añanan un cantidad masha limita di casnan a wordo construi. Esaki a trece consecuencianan grandi pa comunidad di Aruba cu tin gran necesidad di cas.

Sinembargo, aworaki por mira cu a base di e gana di bay dilanti pa percura pa mehora e relacion y e meta pa mehora calidad di bida di nos ciudadanonan, despues di varios reunion, por a yega na firmamento di un convenant. Esaki tabata posibel a base di respet y compromiso pa hunto traha pa logra yega na e meta di construccion di 200 cas pa aña.

Sr. Edwin Tromp director di FCCA a enfatisa cu e firmamento di e convenant ta un momento sumamente importante considerando cu Gobierno y FCCA mester por traha hunto. Den e documento tin varios punto cu lo cambia e manera di funciona den varios situacion, na bienestar di ambos partner. Pa locual ta esfuersonan cu ta wordo haci pa e relacion y e meta cu tin entre Pais Aruba y FCCA pa construccion di vivienda, a tene varios reunion. FCCA tambe a forma parti di un biahe pa Hulanda hunto cu Minister encarga cu vivienta, Otmar Oduber, unda cu a mira diferente posibilidad di construccion di vivienda. Sr. Tromp a splica cu un di e puntonan cu a enfoca riba dje ta e costo/ prijs di contruccion di metodonan nobo, pero den balansa cu e calidad y durabilidad cu tambe mester tey.

Minister Oduber a agrega cu no ta tur ora e reunionnan tabata mes facil considerando opinion di cada partner, sinembargo cu respet mutuo ambos partido ta contento di por a yega na un acuerdo. FCCA tin su responsabilidad y Gobierno tambe tin su responsabilidad! Aworaki hunto ta percura pa yuda otro na beneficio di comunidad.

- Advertisement -

DUNA COMENTARIO

Please enter your comment!
Please enter your name here