Home Gobierno Minister Plenipotenciario Guillfred Besaril a bishita Museum of Industry

Minister Plenipotenciario Guillfred Besaril a bishita Museum of Industry

23
0
SHARE
- Advertisement -

ORANJESTAD  (AAN) —  Durante su bishita na Aruba Minister Plenipotenciario Guillfred Besaril a ricibi un recorido den e Museum of Industry na San Nicolas.  E recorido a wordo facilita door di e curator Renwick Heronimo kende a duna un splicacion amplio di kico tur e museo ta representa.

Den un ambiente ameno, e mandatario a participa den un guia cu a cuminsa na Museum of Industry unda cu a mustra con e museo ta haci su presentacion na publico local y turista.

A pasa tambe riba henter e historia di Aruba su industria y a termina den un demostracion den e toren caminda e museo ta promove nos historia den un forma moderno y digital.

Durante e bishita Fundacion Museo Aruba a haya e oportunidad di haci un presentacion cortico di e vision cu nan tin pa museonan tanto na San Nicolas como na Playa. Presente tambe tabata e representantenan di Monumentenfonds y presidente di board di fundacion Museo Arubano Lincoln Gomez.

Despues di e recorido den e museo e grupo completo a continua den un paseo direccion pa Nicolaas Store y Mundi Restaurant, caminda e mandatario a disfruta di bebidanan natural y un cuminda netamenta Arubano. E presentacion na Mundi ta pone enfasis riba mantene nos cultura y herencia bibo den curason di San Nicolas.

E idea di e bishita aki ta pa mira den futuro con por traha hunto den e tereno di experticio pero tambe pa mira den ki forma Arubahuis por facilita cu Fundacion Museo Arubano por haya fondo di Europa.  E potret ta cortesia di Cas di Aruba

- Advertisement -

DUNA COMENTARIO

Please enter your comment!
Please enter your name here