Home Gobierno Minister Presidente: Gobierno a scapa un KB sin mester a bay den...

Minister Presidente: Gobierno a scapa un KB sin mester a bay den welga di hamber

166
0
SHARE
- Advertisement -

CAFT a acepta plan di austeridad di gobierno:

ORANJESTAD (AAN) — E conferencia di prensa semanal di gobierno a tuma lugar Dialuna mainta, cu participacion di Prome Minister sra. Evelyn Wever-Croes, Minister di Economia y Finanzas sra. Xiomara Ruiz-Maduro y Minister di Husticia y Asuntonan di Integracion sr. Andin Bikker.

Minister Presidente a inicia e conferencia di prensa enfocando riba dos tema: CAFT y Salud.

E dignatario a menciona cu CAFT ta e tema cu siman pasa gobierno a atende, ora cu a haya bishita di Colegio di Supervision den esaki nan a bin cu e bon noticia pa Gobierno, cu e presupuesto 2018 ta cla. Cu esaki nan kiermen cu gobierno a cumpli cu tur nan recomendacionnan, suficientemente, y e presupuesto ta cla, realizable, y cualkier menaza pa KB cu tabata tin riba mesa, ta descarta y no ta colga riba cabes di gobierno mas.

Esaki ta yega gobierno cu hopi alegria, e dignatario a expresa, pasobra ta hopi duro nan a traha pa Hulanda confia gobierno di Aruba bek. Esaki no tabata tin cu gobierno anterior cu a kibra tur palabracion cu nan a haci cu gobierno Hulandes.

Minister Presidente a subraya cu nan a mustra CAFT cu gobierno ta papia cu berdad su dilanti y no ta manipula cu cifranan, y cu gobierno ta honesto y determina pa soluciona e problemanan aki, pero riba Aruba su propio forza y no e forza cu nan kier impone riba nos pais.

Minister Presidente a felicita y gradici Minister di Finanzas y su team pero tambe tur e ministernan cu a duna nan cooperacion y cu semper a mustra determinacion cu hunto nan tin cu bay atende cu e temanan aki, pa asina por sanea Aruba su situacion financiero. E mandatario a subraya cu asina aki gobierno ta mustra con a scapa un KB sin mester a bay den welga di hamber!

- Advertisement -

DUNA COMENTARIO

Please enter your comment!
Please enter your name here