Home Gobierno Minister ta suspende director di DVG y ta nombra un Management Team

Minister ta suspende director di DVG y ta nombra un Management Team

303
0
SHARE
- Advertisement -

Dialuna un doorlichting ta cuminza na Departamento di Salud Publico

ORANJESTAD (AAN) – Minister di Turismo, Salud Publico y Deporte sr. Dangui Oduber a participa den e conferencia semanal di prensa, di gobierno, Diahuebs mainta.

E dignatario a toca e tema di Direccion di Salubridad Publico y e decision cu a tuma relaciona cu su director, debi na hopi keho cu tin di parti di su propio empleadonan, segun e minister a trece dilanti.

Minister Dangui Oduber a cuminza bisando cu e situacion ta conoci den e Departamento di Salud Publico, y den varios medio di comunicacion a wordo publica un carta cu a wordo dirigi na su persona, den cual varios keho a ser menciona tocante e maneho di e director sr. Jerry Staring.

E mandatario a subraya cu no ta prome biaha cu su ministerio ta ricibi keho encuanto e funcionamento di sr. Staring pero tin varios keho ricibi durante e transcurso di e ultimo lunanan aki.

Diferente dossier cu acusacionnan hopi serio a yega na e minister, tanto su funcionamento como director, como riba su capacidad, e manera con e ta manera DVG, con el a wordo apunta den e cargo aki, pero tambe acusacionnan cu no ta apropia pa divulga den e conferencia di prensa.

No obstante, hopi di nan a wordo publica den medionan di prensa y ta mas cu responsable cu e, como minister responsable pa salud publico, tuma e kehonan aki na serio.

E mandatario a acentua cu simplemente keda sin haci algo no ta un opcion y e mester sigui e proceso concerni, como minister responsable.

Minister Oduber a menciona cu tur e corespondencia al respecto cu su ministerio a haya a wordo manda pa Departamento di Recurso Humano pa laga nan duna conseho, con pa sigui atende cu e problema cu tin na e momentonan aki den e Departamento di Salud.

Basa riba e conseho di DRH e minister a tuma un decision riba cual ta e siguiente paso pa duna, pa atende cu e asunto aki.

Den su conseho DRH ta trece dilanti cu Gobierno tin cu tuma un decision pa cuminza di nobo na Departamento di Salud, sea apunta un director nobo of bin cu un proceso di reorganizacion.

Pero simplemente keda sin atende e caso no ta responsable y nan ta aconseha nos pa bin cu un “doorlichting” mas pronto posible.

“Ora bo ta haya consehonan asina mi ta kere cu mester tuma nan na serio y sigui e conseho di e departamento, Recurso Humano den e caso aki, y esey ta e direccion cu mi persona a tuma como minister: haci un doorlichting”, e dignatario a expresa.

E proceso aki ta cuminza Dialuna venidero y den e trayecto aki lo tuma seis siman cu por wordo expande na 12, pa haya claridad y si tur e kehonan ta cuadra cu realidad, y pa e ta un doorlichting imparcial den cual e trahadornan sinti nan mes liber, a tuma e decision di institui un management team temporal, pa asina e director no por intimida ningun trahador. Cu otro palabra e director a keda suspendi.

Asina e trahadornan por duna libremente nan opinion tocante e funcionamento di e director.

E minister mes tin siete pa ocho luna trahando cu e Director di Salud Publico sin cu el a experimenta problema, pero ta cuestion cu e director su dienst no kier traha cune, y no ta un grupo chikito sino un grupo grandi.

Minister Oduber a menciona cu el a papia no solamente cu Sindicato Toppa, pero cu diferente departamento y a scucha e empleadonan, haya informacion prome cu a dicidi di manda tur e corespondencia na DRH.

E dignatario a agrega cu ora tur empleado ta mustra cu nan no por traha cu e director, henter e dienst no ta funciona optimalmente.

Si resulta cu tur loke a wordo bisa di e director ta cuadra cu berdad, logicamente su persona como minister mester saca un conclusion y un decision cu mester inicia henter e proceso di nobo, pa busca un director nobo.

Minister Dangui Oduber a subraya cu tur hende sa con e director aki a wordo tuma den servicio, despues cu e tabata coordinador di ex-Minister Schwengle, cu no a sigui e procedimento di seleccion, cu normalmente mester encamina ora di tuma un director.

- Advertisement -

DUNA COMENTARIO

Please enter your comment!
Please enter your name here