Home Gobierno Ministro di defense ordena pa fortifica defensa di islanan ABC

Ministro di defense ordena pa fortifica defensa di islanan ABC

480
0
SHARE
- Advertisement -

DEN HAAG-ORANJESTAD(AAN)— Un mayoria grandi di Tweede Kamer kier pa ministro di defensa Ank Bijleveld (foto) di defensa delibera cu aliadonan tocante reforza e defense military di partinan di Caribe di Reino.

Tweede Kamer a aproba un mocion di Isabelle Diks di partido GroenLinks y ta solamente partidonan SP y Partij voor de dieren a vota contra.

Loke a conduci na e mocion ta e preocupacion cu intranquilidad na Venezuela por escala y cu regimen di president Nicolas Maduro ta wordo atrae pa “aventurismo militar” den e region.

Diks kier haci defensa uno robusto pa e islanan ABC y pidi pa Hulanda cu esaki, yega na palabracionnan concreto cu Francia y Gran Bretaña cu tambe tin interesnan den Caribe, pero tambe cu Merca.

E mocion di Diks a wordo entrega na final di luna di mei y den debate di cu ministro Bijleveld el a expresa su preocupacionnan relaciona cu e situacion na Venezuela.

Pero ta algun siman prome caba, fin di luna di april cu Luitenant Generaal der mariniers Rob Verkerk (foto) a adverti Tweede Kamer contra Aventurismo Militar indicando cu esaki ta forma un menasa berdadero pa e islanan.

Na mei a wordo informa cu Venezuela ta destabiliza lihe y esaki ta pidi un defense robusto di e parti caribense di Reino. Pa fortifica e defensa ademas di e capacidadnan di marina hulandes  mester busca tambe cooperacion cu paisnan cu tambe tin un responsabilidad di defensa pa islanan den Caribe. Aki a wordo menciona caba Francia y Inglatera.

Generaal Verkerk a mustra fin di april tambe riba e situacion na Venezuela indicando cu e situacion ta instabil. Esaki y e aventurismo militar ta forma un menaza pa poblacion y economia di e islanan importante pa Hulanda  y di cual Hulanda tin e responsabilidad di defensa externo di e islanan.

E dia ey el a mustra tambe como ehemplo riba e incidente di dos aña pasa  unda a detene e candidato pa consul venezolano na Aruba.

“E dia siguiente tabata tin caba 8 bapor di guera venesolano dilanti costa di Aruba y Corsou.”

“Esaki por pasa hopi lihe y e pregunta ta si ehercito hulandes ta equipa pa esaki,” el a expresa e dia ey.

 

- Advertisement -

DUNA COMENTARIO

Please enter your comment!
Please enter your name here