Home Enseñanza Muchanan di edad hoben caba interesa den arte culinario

Muchanan di edad hoben caba interesa den arte culinario

15
0
SHARE
- Advertisement -

ORANJESTAD (AAN): Pueblo lo keda sorprendi, con hopi e interes di muchanan ta pa nan mes cuminza cushina.

E oportunidad aki ta bin cu e mesun programa di aña 2017 cu ta yama Kids & You and the Kitchen, cu ta specificamente pa siña muchanan riba arte culinario for di edad hoben caba pa cushina cu diferente tecnica.

Señora Rachel Croes Directora di YMCA a amplia pa mustra cu esaki ta tuma luga cu ayudo di e boluntarionan y Sr. Glenn cu ta hopi famoso na YMCA cu ta yudando pa mas di 20 aña caba.

Deseo ta pa haya un poco mas di participante pa cera e grupo pa sigui cun’e.

Esaki ta bin como un recordatorio aunke ta compronde cu por ta un periodo druk pa e mayornan, pero e curso ta cuminsa 9 di Juni. Por pasa a inscribi ainda unda cu lesnan ta bay tuma luga riba 4 diferente diasabra y ta sali 50 Florin pa les.

E suma aki ta inclui tur e ingredientenan y e mucha ta bay siña cushina cuminsa Indones y Chines.

Cada dia ta siña un receta diferente. E muchanan lo hiba un box cas caminda cu e mayornan por purba e cuminda cu e muchanan a traha.

Esaki ta dirigi pa mucha for di 7 pa 17 aña y e gruponan ta worde parti na stations a base di nan edad y ta cuminsa 10:30 di mainta. Por yama 5823072 y ta duna tur e informacion y por haci tur e preguntanan y por guianan miho den e proceso pa inscribi.

 

 

 

- Advertisement -

DUNA COMENTARIO

Please enter your comment!
Please enter your name here