Home Gobierno Mudamento di “dokter na warda” ta pa mehora calidad di servicio y...

Mudamento di “dokter na warda” ta pa mehora calidad di servicio y atencion pa pashentnan

228
0
SHARE
- Advertisement -

Minister Dangui Oduber:

ORANJESTAD (AAN) – Entrante 2 di juli pueblo di Aruba y su bishitantenan lo cuminsa experencia un miho calidad di servicio y atencion pa nan keho na momento cu mester di asistencia medico. Algun siman atras Minister di Salubridad Publico Dangui Oduber a anuncia cu lo muda “dokter na warda” (huisartsenpost/HAP) pa e Medical Office Building na hospital. Cu e cambio aki, ta garantisa un reduccion den e lista di espera na SEH (Spoedeisende Hulp / Poli).

Minister Dangui Oduber ta satisfecho cu e cooeracion di tur esnan envolvi pa realisa e mudamento aki. “E ta un paso firme di progres den nos sistema di salubridad”, e minister a declara. Cu e cambio aki, e cantidad di ora cu un persona ta warda innecesariamente pa oranan largo, lo ta algo di pasado ya cu pa medio di un “triage”, bo tin un bista dibiaha con grave e urgencia di e pashent ta y asina atende adecuadamente.

Entrante 2 di juli pa dilanti, pashentnan lo acudi directamente na HAP y no mas na SEH. Mester keda tene na cuenta cu casonan di emergencia grave lo keda wordo atendi pa SEH. E intencion ta pa casonan y menos emergencia pero si ta exigi atencion, ta wordo atendi door di e ekipo di HAP. Awor cu HAP lo ta situa na banda di SEH, lo tin contacto directo entre e ‘dokter di cas’ y specialistanan, kibrando asina e barera di comunicacion cu tabata perhudica e pashent pa añas.

Den caso cu tin un emergencia real, esaki lo wordo reconoci y atendi di biaha, danki na e mehoracion di comunicacion. “Nos a bin pa traha y cumpli. Cambionan chikito pero cu ta haci diferencia grandi, cual e gobierno anterior no por a pone atencion riba dje. Anos si a bin pa ehecuta y brinda comunidad e servicio cu e merece. Di e forma aki nos ta demostra un biaha mas cu e ser humano ta central”, Minister Dangui Oduber a declara.

Ta pidi pueblo en general pa tuma bon nota di e cambio di mudamento di HAP entrante 2 di juli 2018. Pronto lo keda cla cu e aplicacion pa telefon, na unda tur pashent lo por duna un ‘rating’ na e servicio cu el a ricibi di un dokter.

- Advertisement -

DUNA COMENTARIO

Please enter your comment!
Please enter your name here