Home Economia Negoshinan na Palm Beach a pone standbeeld, teraza, y hasta borchi riba...

Negoshinan na Palm Beach a pone standbeeld, teraza, y hasta borchi riba tereno di Gobierno

1026
0
SHARE
— A pasa controla tur Kiosco tambe.
- Advertisement -

ORANJESTAD (AAN): Riba Dialuna cu a pasa, un team consistiendo di diferente departamento (Polis, Bureau City Inspector, DIP y DOW) a haci control riba e strip di Palm Beach unda cu a constata cu tin hopi cosnan ilegal tumando lugar.

— Control riba tur booths.

Cosnan manera negoshi ilegal, borchinan, teraza ilegalmente construi, standbeeld poni entre otro, anto riba tereno di Gobierno. Gran mayoria di esaki a constata cu no a pidi permiso.

Pa motibo di falta di control y personanan pa haci control, durante di e ultimo añanan, por a constata cu cos a bay for di man. Aworaki e controlnan ta tumando luga regularmente pa percura pa re-establece ordo.

Robert Maduro cu ta di e departamento di control di DIP a splica cu e control cu a tuma luga e siman aki tabata specificamente na Palm Beach y a scoge pa alerta tur esnan cu ta den violacion cu nan mester pidi pa nan permiso y pasa paga pa esaki. Polis por actua y aplica multa, pasobra ora cu bo pone articulonan riba tereno publico e ta encera cu bo mester permiso, sea e ta borchi, vehiculo of teraza.

‘Pa locual ta e control, tin riba 45 procesverbal cu a worde duna unda cu a constata un variedad di infraccion manera menciona anteriormente riba tereno publico.

— Control riba tur Restaurant.

Den e area di South Beach e idea semper tabata pa e area ta uno exclusivo, y cu e cantidad di kiosco mester keda minimo.  Esnan cu a haya erfpacht tin stipula aden cu no mag di tin kiosco, cual a constata varios violacion tambe,’ sr. Maduro a remarca.

Banda di e incumplimento di parti di comerciantenan pa locual ta permiso y pago, e area hotelero ta uno turistico hopi druk, y e meta di DIP den e caso aki ta pa crea un bista agradabel unda cu e turista y tur otro cu ta haci uso di e area, por cana y bishita e diferente establecimentonan den forma agradabel. Pa esaki ta posibel mester percura cu ta mantene e paseo di por lo menos 2 pa 2.5 meter, y unda cu ta posibel por permiti borchi y teraza.

Den e procesverbal nan cu a worde entrega, segun sr. Maduro ta splica,  ta stipula cu tin 3 dia pa acudi na DIP pa legalisa nan negoshi y  ricibi precariovergunning.  DIP consecuentemente lo haci evaluacion di e peticion aki. Den caso cu no nan no por worde legalisa, e siguiente paso ta pa kita esakinan.

Esnan cu no acudi na DIP, lo ricibi un bishita di nobo pa eventualmente remove e articulonan for di e lugar.

Pa trece e cantidad di proces verbal cu a worde duna den perspectiva, a tuma nota cu den solamente dos caso tabatin permiso pa opera legalmente, cual ta duna indicacion cu ta trata di violacion basta grandi cu a sosode structuralmente durante añanan den e area.

- Advertisement -

DUNA COMENTARIO

Please enter your comment!
Please enter your name here