Home Labor No ta for di awor trahadornan tin problema na FFD

No ta for di awor trahadornan tin problema na FFD

9
0
SHARE
- Advertisement -

Magali Brito:

ORANJESTAD(AAN): Diabierna mainta tabatin un Walk Out na Centro Deportivo Frans Figaroa na Boegoeroei.

Sindicato SEPPA tabata tey hunto cu e trahadornan di Fundacion Facilidadnan Deportivo (FFD) durante nan walkout. Secretario General Magali Brito, e fundacion tin un storia basta largo. Prome cu 2016 nan a afilia na SEPPA. Prome cu esey a busca diferente forma mediante otro sindicato pa haya atencion y solucion pa nan problemanan, pero esey no a sosode.

Brito a splica cu e directiva di FFD a trata na diferente ocasion pa bay na mesa y papia. Ultimo a keda acorda cu lo bay atende e asunto aki den un comision mas chikito, pasobra e asunto tabata tardando. Den di tres pa di cuater encuentro cu e comision, a ripara cu no tin sentido pa reuni cu e hendenan aki, pasobra nant a keda mantene nan posicion. Reclamo di e trahadornan ta basa riba un cambio di horario cu anteriormente nan a dicidi riba nan mes, sin consulta y sin aprobacion di trahadornan.

Di un otro banda ta asina tin un situacion tambe cu ora e trahadornan aki a bay over, tin dos grupo. E grupo cu ta e ex trahadornan di ASU cu a bay over y e ex trahadornan di Lotto, cu a bay over pa FFD. Pa e grupo di ASU, ora cu nan a bay over, nan a bay over, nan a bay over cu tur locual cu nan tabata tin derecho di tempo cu nan tabata na ASU y tin e status di gelijkgestelden. Pero bo tin e grupo di Lotto, cu na principio tempo nan tabata nan Lotto, nan tabata tin un handbook cu tabata valido pa nan.

Kico a sosode

Na 2015, FFD a bin cu un handbook. A impone e mesun handbook cu tabata conta pa e trahadonan di Lotto. Na e pregunta di SEPPA, con ta para e ora ey cu e condicionnan di trabao di e grupo di ASU, si nan tambe ta conta p’e, pa motibo cu e handbook ta conta pa tur personal. E tempo ey nan a bisa cu si, pero awo cu e trahadornan ta reclama cierto derechonan cu ta ancra den e handbook, nan no ta concede esaki. Na mes momento ta haya e grupo di esnan cu a bin di Lotto.

Nan tin cierto derecho cu nan ta reclamando. Manera 140 Florin riba nan salario, cual tampoco no kier worde duna. E discusion ey ta keda bay bin riba dje. Na mes momento tin naturalmente e trahadornan kier pa tur cos worde bon regla den un CAO. Pero prome cu regla un CAO mester regla tur e cosnan aki, trece claridad y pa asina ey por sigui.

Tin di compronde cu a dirigi un carta bisando cu nan a acerca mediador pa intermediacion, pero te ainda SEPPA no a ricibi nada for di mediador. E trahadornan a dicidi mainta cu nan ta drenta den accion di protesta contra e maneho cu ta worde hiba na FFD, contra e directiva pa e forma cu durante varios aña a bin atende cu nan.

Accion

En principio e trahadornan ta walk out mainta pa 2 ora. Si no bin reaccion, e lo por escala, pero ta depende di e decision di e trahadornan. Di e detayenan di tur loke ta pasando na FFD minister Dangui Oduber tambe a acerca SEPPA pa informacion.

Tabata tin un encuentro cun’e ayera y e ta conciente con e direccion cu ta hibando pa loke ta FFD.

Kico mester yega na dje

Brito a splica, cu e trahadornan a bin pidi pa proposicionnan completo. Pa motibo cu no por kere mas den palabra di e directiva, pa motibo cu pa varios biaha no ta bin solucion. Al contrario, e proposicionnan cu nan ta bin cune,

 

- Advertisement -

DUNA COMENTARIO

Please enter your comment!
Please enter your name here