Home Gobierno No tabata tin ningun misterio of algo Ilegal cu menor manda Venezuela

No tabata tin ningun misterio of algo Ilegal cu menor manda Venezuela

217
0
SHARE
- Advertisement -

Consul Amabel Lugo:

ORANJESTAD(AAN): Consul di Venezuela na Aruba, Amabel Lugo, ta confirma na nos redaccion cu e proceso pa manda e menor di 15 aña Venezuela ta algo segun tur procedura. Pa colmo tur illegal cu presenta pa yudanza na Consulado di Venezuela ta wordo manda Guarda Nos Costa GNC. Esun di e mucha muher di 15 aña tambe a sosode mescos segun e consul. E motibo ta cu nan ta respeta ley di cada pais y pesey y pesey ta laga autoridad handle esaki. Djey nan mes ta presenta cu e persona illegal na Consulado si nan falta documento. Den e caso di e menor illegal tambe a sosode. El a yega Aruba ocho luna pasa y ta confirma cu el a drenta cu boto. El a huy di cas. El a bin cu un pareha den boto y intencion pa cuida un baby. Mientrastanto cu edad di 15 aña el a sali na estado na Aruba. Tempo el a yega e tabata tin 14 aña. E menor ta di Punto Fijo. Ora cu e menor a yega na Consul el a splica su situacion y cu kier bay pasobra e ta haya falta di su famia. Es mas, e consul Amabel Lugo a spllica tambe cu e menor tabata tin placa pa paga su ticket y locual a sosode tambe. E Consul a splica cu Guarda Nos Costa a cana e proceso masha normal pa yuda e menor. Dos dia parce el a keda na Cruz Cora y tabata e propio Guarda Nos Costa tabata zorg pa su cuminda via Guarda Nos Costa. Consul a zorg pa yega den contacto cu e famia na Venezuela. Esey a logra tambe unda potret a wordo manda di su cedula. Asina Consul Venezolano na Aruba a confirma cu e declaracion di e menor tabata corecto. Tipo di procesonan asina ta pasa regularmente. Pesey mes ta importante pa aclarea cu e consul di Venezuela a mustra bon cla cu nada inusual a sosode. Ningun rato e menor a wordo expulsa for di Aruba of deporta for di Aruba. Mas bien el a wordo manda cerca su famia pa Venezuela. E salida di e menor segun Consul Amabel Lugo tabata uno compara como situacion normal legal. E actuacion di Guarda Nos Costa no tabata tin ningun misterio of algo illegal cu a tuma lugar segun Consul. Ta confirma tambe cu e menor a pasa un proceso di interogacion cerca autoridad. E no tabata bou capa di ningun tipo di Asilo.

- Advertisement -

DUNA COMENTARIO

Please enter your comment!
Please enter your name here