Home Enseñanza ‘No tin mucho diferencia entre resultadonan di scolnan multilingual y esnan regular’

‘No tin mucho diferencia entre resultadonan di scolnan multilingual y esnan regular’

66
0
SHARE
- Advertisement -

Parlamentario Sue-Ann Ras (MEP):

ORANJESTAD – Un momento masha crucial cu hopi hende sigur tabata warda, ta ora cu e muchanan di scol basico di e dos scol proyecto Multilingual, Colegio San Hose y Colegio Conrado Coronel, termina klas 6, y sa e resultado di esaki. Hopi critica y/of duda tabatin riba e tipo di scol aki. Y como tal, awor tabata un bon momento, segun e parlamentario, pa e haci un comparacion y mira con nos ta para awor.

 

PROYECTO DI INNOVACION

Ras ta sigui recorda cu e proyecto di innovacion aki a cuminsa na aña 2009 den dos scol preparatorio na Aruba y a drenta dos scol basico na augustus 2012. Despues a haci un investigacion na 2016 (den klas 4), a cuestiona masha hopi mes e resultadonan como tambe con/ken a haci e investigacion y tabata parce imposibel pa convence cu e programa ‘Mother Tongue Based-Multilingual Education’ lo ta e miho opcion pa nos muchanan.

 

RESULTADO TEST DI HAVO 2018

Ambos scol piloto a participa cu un promedio di mesun cantidad di alumno di semper. Y loke  ta relevante pa reflexiona riba dje y analisa den tur profundidad, ta e resultado di test di HAVO, pa loke ta trata e 2 materianan di mas importante segun nos curiculo anticua, cu ta: rekenen y nederlandse taal, segun Ras.

  1. Tur e scolnan basico di Aruba a score un promedio di 6.2 pa ‘nederlandse taal’, mientras e promedio di e dos scolnan piloto a score 6.0 (Colegio Conrado Coronel 5.8 y Colegio San Hose 6.1).
  2. Tur e scolnan basico di Aruba a score un promedio di 6.3 pa ‘rekenen’, mientras e promedio di e dos scolnan piloto a score 6.7 (Colegio Conrado Coronel 5.9 y Colegio San Hose 7.5).
  3. Pa loke ta trata e cantidad di mucha cu tabatin e rekesitonan pa haci test di HAVO, Colegio Conrado Coronel tabatin 17 mucha, di cual 10 a pas’e (y esaki ta un promedio normal) y Colegio San Hose tabatin 8 mucha, di cual 7 a pas’e (y tambe ta un promedio normal).

Pa Ras, interesante y cuestionabel ta, cu e 1 mucha di Colegio San Hose y 4 mucha (di e 10) di Colegio Conrado Coronel, cu no a pasa e test di HAVO, ta trata di e miho alumnonan di scol, for di klas 1 te cu klas 6 y awo nan tin cu bay MAVO, ya cu e nan carera di scol basico excepcional no tin balor y e conseho di e docentenan NO tin peso ni balor, pa e mucha por bay HAVO, mientras cu nan sa e potencial y capacidad di e muchanan aki, pero un test di momento ta defini y tin mas balor.

“Mirando cu nos ta gusta compara Aruba cu Hulanda den enseñansa, mi kier ilustra esaki: Na Aruba un promedio di 17% di nos muchanan ta bay HAVO y na Hulanda ta un promedio di 43%”, Ras a sigui bisa.

 

MENSAHE PRINCIPAL

E mensahe principal segun Ras ta, cu si analisa e datonan aki bon, nos por conclui cu NO tin (mucho) diferencia entre e scolnan basico regular/tradicional, compara cu e 2 scolnan piloto Multilingual. “Esaki ta un señal hopi alarmante, mirando cu ta trata pa 6 aña largo, brinda un sistema di educacion na nos muchanan, cu no ta dunando e resultado desea”. Y Ras ta sigui enfatista esaki tambe, cu e resultado di e dos scolnan piloto Multilingual, no a funciona den su 100%, sino mas den su 60%, ya cu e gobierno y minister di enseñansa anterior a corta den varios di e adernan principal di e proyecto, manera: grupo di idioma Hulandes, Papiamento y Ingles, trafico, orientacion riba mundo y mas. “Kemen e proyecto no a haya su sosten completo, pa dun’e chens pa realmente demostra su potencial y asina mes, e resultado final ta uno di aplaudi y tene bon na cuenta”, e parlamentario a sigui bisa. “Nos por keda bisa cu antes enseñansa tabata mas na Hulandes, etc. etc., pero tempo ta cambia y nos tin cu evoluciona y revoluciona nos enseñansa, pa realmente brinda enseñansa di calidad y husto pa tur mucha y bringa e realidad basa riba investigacion di Censo 2010”, Ras a finalisa bisando.

 

- Advertisement -

DUNA COMENTARIO

Please enter your comment!
Please enter your name here