Home Gobierno “Open Sky Policy” lo trece vuelonan directo entre Aruba y varios departamento...

“Open Sky Policy” lo trece vuelonan directo entre Aruba y varios departamento di Colombia

54
0
SHARE
- Advertisement -

Minister Romero a firma Acuerdo na Bogota:

ORANJESTAD (AAN) — Minister di Transporte, Comunicacion y Sector Primario, Chris Romero, a participa den e conferencia semanal di prensa di Gobierno, Dialuna mainta, y el a trece dilanti dos bon tema, cu sigur ta di interes nacional y tin di haber cu acuerdonan cu el a cera na Bogota, Colombia.

Minister Chris Romero a biaha pa Bogota unda el a participa den reunionnan representando Gobierno di Aruba, y a logra firma un tratado cu e Minister di Transporte di Colombia, sr. German Cardona Gutierrez, den presencia di Sr. Jeroen Roodenburg Embahador di Reino Hulandes na Bogota.

Ta trata aki di un “open sky policy”. Esaki kiermen cu awendia no tin restriccion mas pa famianan cu kier bula di Colombia pa Aruba y viceversa.

Cu otro palabra e tratado di cielo abierto aki, lo crea hopi mas oportunidad di vuelonan pa Aruba, y asina yuda nos industria turistico.

E dignatario a reuni cu diferente aerolinea aya incluyendo KLM, Avianca, Copa Airlines, Bingo Airways, y a scucha kico nan pensamento ta, y tambe kico ta cierto preocupacionnan cu tin.

“Mi por bisa cu nan ta hopi exciting cu e open sky policy aki, y ya caba bo ta tende interes pa trece mas vuelo for di e diferente estadonan. Actualmente, tur vuelo ta bayendo directamente Bogota, pero aworaki bo por bula na diferente Estado, entre otro Medellin cu sigur ta hopi atractivo, Bucaramanga y Cali, cu ta departamentonan unda hopi Arubiano ta bay pero tambe hopi personanan ta bin Aruba for di nan”, e dignatario a señala.

Kiermen, awor cu e politica aki di cielo abierto pa diferente aerolinea, por mira cu e interes ta aumenta. No obstante tin algun preocupacion.

“Enberdad Aruba nan ta considere como un destino exclusivo, cual tin prijsnan basta halto. Kico nan kier? Nan kier wak si por tin e posibilidad pa hotelnan cu prijs un tiki mas razonable pa e clase medio cu sigur kier bin Aruba, manera tin San Andres cu un biaha pa aña e Colombianonan aya mes, ora nan tin un dia liber nan kier bay eynan pasobra nan por afford bon prijs di hotel”, e dignatario a indica.

E mandatario a agrega cu e kier wak pa futuro si por acomoda esnan cu kier bin Aruba abordo di Bingo Airways y crea un fluho y un trafico mas grandi.

El a reitera cu e tratado aki ta crea un oportunidad amplio y den e mesun situacion aki cu a habri e posibilidad di bin cu mas vuelo, den e siguiente reunion cu a tuma lugar tabata entre su persona y e Vice minister di agricultura di Colombia, sr. Carlos Manuel Zambrano Canisales. Cu otro palabra, e Acuerdo aki di cielo habri a crea oportunidad pa diferente otro negoshi. Den otro articulo nos lo elabora tocante e acercamento aki riba tereno di agricultura.

 

 

 

 

- Advertisement -

DUNA COMENTARIO

Please enter your comment!
Please enter your name here