Home Gobierno Otro luna ta cuminsa construccion di casnan social y na un prijs...

Otro luna ta cuminsa construccion di casnan social y na un prijs hopi mas abao

278
0
SHARE
- Advertisement -

Acuerdo entre FCCA y Gobierno:

ORANJESTAD (AAN): Dialuna DIARIO tabata na un Rueda di Prensa Minister encarga cu Infrastructura y Medio Ambiente, a anuncia convenant cu a worde cera entre FCCA y Pais Aruba. E mandatario a remarca cu desde cu a asumi e responsabilida como e Minister encarga cu e aspecto di vivienda, un di e metanan tabata pa crea un relacion nobo cu FCCA como partner di Gobierno di Aruba.

Den pasado prioridad no a worde poni riba construccion di casnan social. Algun cas a worde construi si, pero no na un cantidad cu ta representa e necesidad cu tin pa cas actualmente, Minister Oduber a trece dilanti. ‘Ta papia di riba 2500 casonan di prioridad y necesidad cu tin, mientras cu e construccion di casnan no a bay na e mesun velocidad’.

Mihor prijs di construccion ta significa cu por yuda mas hende!  Dialuna a cera un convenant cu FCCA cual ta forma parti integral di e statuto di FCCA, cu ta  mara e relacion cu Gobierno como partner pa logra e meta poni dilanti pa ambos partner. Den esaki ta haya participacion di Gobierno pa hunto por logra mihor prijsnan di construccion, cual lo haci cu por ofrece mihor prijsnan di huur pa cas, cual na su turno ta haci cu Gobierno lo mester duna menos subsidio y di e forma aki por yuda hopi mas hende.

Lo distribui cantidad di casnan social den diferente bario.  Por anuncia cu tin casnan cu lo worde entrega den diferente bario e aña aki. Lo finalisa 36 cas na Savaneta, otronan cu ta cuminsa e aña aki tambe ta: 14 cas social na San Nicolas, 36 cas social na Tanki Leendert, Santa Cruz, y na Hato tambe tin 12 cas ta worde construi.

‘E meta no ta pa crea barionan atrobe di casnan social, manera cu a conoce den pasado. Contrario na esaki, e maneho ta pa distribui e cantidad di casnan social den diferente ‘verkavelingsplan’. Pa no crea barionan cu por bira un problema den futuro. E proyecto di mas grandi cu tin ta na Kiviti (80 cas), cual ta un di e excepcionnan. E motibo pa esaki ta teniendo na cuenta e necesidad cu tin pa cas social y e oportunidad cu tin pa esakinan worde construi na Kiviti’.

Di e forma aki Poco poco ta logrando e meta cu a pone, cu kier logra construi 200 cas social pa aña. Conhuntamente cu FCCA, ya caba a cuminsa combersa riba kico ta bay pasa proximo aña y di e posibilidad cu tin pa esakinan tuma luga na diferente otrolugar rond Aruba, pa asina cu drenta 2019 por inicia cu e procesonan aki.

Terminando Minister Oduber a remarca cu firmamento di e convenant ta simbolisa comienso di un relacion nobo cu FCCA. Un relacion ‘manera cu e mester ta’ entre partners cu ta traha cu un solo meta, como parti di e plan di crisis social cu Gabinete Wever – Croes ta para p’e.

- Advertisement -

DUNA COMENTARIO

Please enter your comment!
Please enter your name here