Home Economia Pa bira un famia di criansa mester pasa un screening

Pa bira un famia di criansa mester pasa un screening

27
0
SHARE
- Advertisement -

ORANJESTAD   (AAN): Nathalie Tromp ta e unico trahado social pa Centro Famia di Criansa Arubano. Te awor aki ainda e ta bay door cu tin un scarsedad, pero ta keda cu ta spera cu e centro por sigui crece y haya mas trahado, pasobra tin mester di mas personal pa asina eynan por sigui busca famia den comunidad pa por duna un bon calidad di guia na famia di criansa tambe, pa asina eynan nan por sigui yuda e mucha. Ta keda cu e famianan cu ta yuda e muchanan, nan no ta para nan so. E centro tey pa yuda nan, pa brinda e guia, pasobra cuido di un mucha cu a pasa den cos na cas y no ta bo propio yiu, no ta facil.

E ta un rollercoaster cu ta trece su cosnan positivo y tambe ta trece su cosnan menos bunita cu nan. Ta tende den comunidad cu nan ta bisa cu ta muchanan problematico, nan no ta cambia mas, bo ta busca problema pa bo curpa.

Nan ta muchanan cu a pasa den cosnan. Nan a wordo defrauda, laga na caya door di e personanan cu mas nan stima. Awor aki cu bo ta drenta den nan bida, bo tin cu gana nan confiansa prome. Ya nan a wordo defrauda hopi biaha. Esey ta e parti bunita cu bo ta siña e muchanan aki cu nan por confia atrobe den un otro persona y cu bo ta yuda nan atrobe pa nan sigui florece y bay dilanti.

 

Midimento

Tromp a splica cu pa bira un famia di criansa, e famia ta pasa door di un proceso di screening. E ta consisti di cuater stap. E prome ta un intake unda cu Tromp ta sinta cu e famia of persona. Despues di esey e famia ta bay cu un cuestionario cas. Esey ta pa yuda pa ora di haci e matching cu un mucha. Bo ta purba di pone un mucha den un famia cu mas of menos ta cuadra cu otro pa asina e bay mas miho posibel. Despues di esey cu haya e cuestionario bek ta repas’e y ta yama pa haci un bishita na cas. Ta wak e cas full di paden, full di pafo. Despues di esey tin un curso cu ta ofrece na e famia di criansa, pa prepara nan. E curso aki ta wordo duna na mas of menos entre 10 y 15 pa 16 persona. E ta wordo duna den grupo. Ta un curso di un anochi 8 biaha, cu cada anochi tin un otro tema cu tin di haber cu cuido di criansa.

 

Exigencianan pa un famia di criansa

Den e exigencianan tin mester di famianan cu ta riba 21 aña, pero lo his’e pa 23. Tambe tin mester di famianan di criansa cu no tin un strafblad y tin un bida familiar stabil. Cu ta biba na Aruba pasobra e muchanan ta keda den contacto cu nan mayornan biologico of si nan tin ruman. Tambe tin mester di famia di criansa cu ta habri pa guia y habri den comunicacion cu e centro. Pasobra si no sa kico ta pasando na cas, no por duna e ayudo cu tin mester. No ta importa si ta un persona soltero, casa of compaña, tampoco si e tin yiu of no. tur esey ta depende di e matching. Tin biaha tin mester di un famia soltero y otro biaha tin mester di famia cu tin yiu caba of tin biaha juist cu no tin yiu.

 

- Advertisement -

DUNA COMENTARIO

Please enter your comment!
Please enter your name here