Home Parlamento Pa MEP/POR/RED ta PATRONISADOR ta central no Hende!

Pa MEP/POR/RED ta PATRONISADOR ta central no Hende!

81
0
SHARE
- Advertisement -

Lider di fraccion Marlon Sneek

ORANJESTAD(AAN)– E bario di Pos Chikito y vecindario a conoce un transformacion increibel den ultimo añanan bou maneho di Gabinete Mike Eman I y II caminda tur dia por mira e trabou grandi cu a wordo ehecuta pa sirbi interes di e bario y di habitantenan  di pariba di brug, lider di fraccion di AVP, sr Marlon Sneek a declara durante conferencia di prensa di fraccion berde.

El a mustra riba e proyecto Green Corridor caminda tur hende cu traslada nan mes riba e caretera principal aki por mira su efecto positivo y bunita cu e tabatin mientras cu a percura pa varios parke di recreacion y facilidad pa habitantenan di e bario di Pos Chikito y vecindario por bin pa haci ehercicio y asina diverti y traha riba nan estado fisico den nan oranan liber.

E impacto di e proyectonan aki ta grandi pa no solamente e bario di Pos Chikito pero otro barionan tambe, entre otro e cartera renoba cu ta pasa den San Barbola, barionan di Savaneta cu a haya un cara nobo, Mabon, Brazil te na San Nicolas.

Un proyecto cu no solamente a drecha e bario pero a percura pa un trafico miho controla cu ta permiti tur hende yega nan cas cerca famia mas rapido cu mucho mas tempo pa dedica na henter e famia y otro asuntonan diario.

“Tur hende por mira e buniteza di e proyecto aki, caminda a duna y drecha calidad di bida di e bario aki pero awor nos por mira cu MEP den gobierno hunto cu POR, loke nan tin pa e bario di Pos Chikito, ta un dump ya cu esey ta Proyectonan Pa Partido (PPP)  di MEP, proyectonan pa esunnan cu ta sponsor partido, kendenan ta doño di partido.

Historia ta mustra cu e edificio cu den pasado tabata wordo uza pa keur auto y awor minister di infrastructura a dicidi di huur e edificio aki pa Serlimar, despues cu e departamento pa keur auto, a muda bay Barcadera.

Sinembargo minister encarga  cu esaki a core bay Parlamento di 15 di maart y pidi reunion cu comision financiero  y e comision di infrastructura insinuando, mustrando riba e desaroyo rond di mudamento di DTI y  e consecuencianan cu esaki lo tin pa pais Aruba.

Entre otro el a mal informa miembronan di e dos comisionnan aki cu e minister anterior lo a firma un contract ilegal, lo a manda e departamento pa un edificio cu no ta sirbi y costoso, creando un scenario den cual e por a ehecuta su plan, bisando cu Parlamento keda pendiente ya cu e lo manda e documentonan riba tur e desaroyonan aki. Pero despues nos por a mira cu Hues a bati su dede y bise cu tur cos ta na ordo y e mester cumpli cu e acuerdo hasi.

Mientrastanto e minister a prolonga e huur di e edificio na Pos Chikito den cual no tabatin ningun hende of departamento y tur esaki solamente pa tene doño di partido contento , ya cu tin cu tene doño di e partido contento.

Minister concerni di infrastructura a sigui hunga su rol pa yuda doño di partido tratando di cancela y kibra e contract cu doño di e edificio nobo na Barcadera, kende a dicidi di bay Corte contra di minister. Corte naturalmente a informa e minister cu e contract tin cu wordo respeta ya cu no tin nada malo na esaki y cu mester cumpli cu e contract aki, creando un situacion dificil pa e minister kende ya caba a sigura doño di partido, cu prolongacion di contract di e eficio na Pos Chikito.

 

 

 

Pa por cumpli e minister a bin  cu e briyante idea pa muda oficina di Serlimar pa e edificio na Pos Chikito, loke a lanta un angustia grandi den henter e bario.

Riba dje minister di finansa tambe a bin dilanti den conferencia di prensa y confirma e plan aki pero awor diripiente e minister ta papia cu ta medionan di comunicacion ta malinformando pueblo y cu esaki no ta e plan.  Mustrando un biaha mas cu su meta principal tras di prolongacion di huur di e edificio na Pos Chikito, ta di cumpli cu patronisador nan, cumpli cu doño di partido creando problema innecesario pa e bario aki,” lider di fraccion di AVP, Marlon Sneek a declara.

 

 

 

 

- Advertisement -

DUNA COMENTARIO

Please enter your comment!
Please enter your name here