Home Gobierno Palabracion entre Minister di Husticia y Brandweer pa cuminza renova e flota

Palabracion entre Minister di Husticia y Brandweer pa cuminza renova e flota

57
0
SHARE
- Advertisement -

ORANJESTAD (AAN) — A wordo acorda den palabracion cu Minister y Cuerpo di Bombero, pa haci tur nan esfuerzo pa den aña 2018 ainda, cuminza ordo e unidadnan nobo, esaki segun espacio financiero ta permiti. Minister di Husticia, mr. Andin Bikker, den entrevista cu nos redaccion a elabora al respecto.

Un di e solicitudnan ta relaciona cu e autonan brandplus generico of normal pero tambe e di dos cu ta e truck cu tambe a keda wanta pa motibonan presupuestario.

Motibo cu ta bay den e direccion aki ta cu mester tene na cuenta cu ora ta ordo un tipo di vehiculo asina e por tarda di 9 luna pa 1 aña prome cu por hay’e y mester tuma e pasonan lihe pa por logra.

Tambe tin na cuenta e trahenan di proteccion di Brandweer, unda cu a wordo dicidi di haya e oferta necesario pa bay na Minister y haya e aprobacion rekeri, y awe e reunion a bay hopi fructifero riba esaki pa haci e trabou mas optimalmente.

Riba e temporadanan di horcan cu Dera Gai, Cuerpo di Bombero ta den proceso pa reactiva e unidadnan cu tabata fuera di funcion. Pero mirando cu cada biaha ta wordo drecha, lo kier yega na un sistema structural pa haya e materialnan nobo necesario y por keda traha pa un bon temporada un cu bon mantencion.

Den casonan cu por tin un candela den un edificio manera e incidente cu a sucede den pasado na la Linda, mr. Bikker, e titular di Husticia, ta splica cu Cuerpo di Bombero ta prepara cu e trucknan. Mester cumpli cu cierto exigencianan internacional y Brandweer tin e IKIO cu ta e permiso valido, anto tin cu premira tur esaki y tuma decisionnan diligente pa por tin tur e material na tempo.

Den todo caso e decision t’ey caba pa den nuebe luna pa un aña por haya un flota di vehiculonan y ekiponan nobo. Comunidad por sinti su mes trankil cu Cuerpo di Bombero ta prepara pa cualkier incidente. Pero esey no ta kita cu gobierno anterior a laga cosnan pendiente cu nan no a anticipa, na un manera diligente. Pero e gobierno actual si ta bay cumpli cu e rekisitonan di brandweer, segun Minister di Husticia, mr. Andin Bikker.

- Advertisement -

DUNA COMENTARIO

Please enter your comment!
Please enter your name here