ORANJESTAD (AAN): Diadomingo pasa di tres’ or marduga Central di polis ta dirigi patruya Oranjestad na “Cas Casuela” na Tanki Leendert relaciona cu pelea andando. Yegando na e sitio polisnan ta topa diferente grupo cu lo ta meti cu e pelea cual a termina.
Na yegada, e patruya a cuminza pa core cu tur esnan para pafor. Pero na dado momento un homber cu ta para pafo a cuminsa zundra tur hende tambe polisnan presente y e no kier bandona e sitio.
Polisnan a constata cu e homber ta bao influencia di bebida alcoholico y ta papia cu lenga pisa wowo nan ta cora di sanger y e no por para debi di riba pianan.
Relaciona cu e condicion di e homber inicial T. naci na Aruba 6 April 1991 a wordo deteni como sospechoso di a viola ley y a transporte direccion warda di polis Oranjestad y a presente dilanti fiscal auxiliar y e ultimo a ordena tene sere y interogacion.
A listra e detenido na su paña y no a haya nada castigabel den su poder. Locual cu polis a wak cu T. cu moketenan sera ta dal esaki contra e kolomnan di beton dilanti “Cas Casuela” tambe e ta dal cu mokete sera riba su auto y tambe di auto di su amigonan.
- a declara tambe cu e tin dolor na su man drechi. Personal di ambulans a presenta na warda di polis y paramediconan a atende T. y personal di ambulans a declara duim di man drechi ta saca for di su lugar y cu e debe pa indica di man drechi ta kibra.
E duim a wordo poni bek na su lugar y nan a declara tambe durante dia T. mester bay hospital pa haya trato medico pa e debi.
