Home Gobierno Parke Arikok a haya un directiva interino

Parke Arikok a haya un directiva interino

195
0
SHARE
- Advertisement -

Hues ta otorga orde maatregel proponi pa Pais Aruba pa apunta directiva interino pa Parke

ORANJESTAD (Aan): Diahuebs manera ta conoci tabatin e tratamento di e ‘orde maatregel’ cu Pais Aruba a haci peticion na corte di husticia pa locual ta e situacion di Parke Nacional Arikok (PNA).

Parke Nacional Arikok a haya nan mes den e situacion unda cu e directiva a dicidi den forma sorprendente pa bandona nan puesto. Pa bienestar di Parke y Pais Aruba, Gobierno a tuma e pasonan den forma di peticion pa un ‘orde maatregel’, pa asina percura pa trece trankilidad y stabilidad den Parke.

Conforme procedura di ‘orde maatregel’ abogado di Pais Aruba a acerca diferente organizacionnan no-gubernamental. Kier indica cu NGOs na Aruba tin un posicion clave pa salvaguardia bienestar di nos medio ambiente. E suplicante (Pais Aruba) a propone candidatonan independiente pa e directiva interino.

Durante di e tratamento di e caso, hues a dicidi di tuma e sugerencia di tur partidonan den consideracion y a dicidi di aproba e instalacion di un directiva interino y asina apunta 4 candidato. E miembronan ta: Sr. F. Refunjol, sr. J. Lacle, Señora H. Van der Wal y sr. N. Kuiperi.

E tarea primoridial di e directiva interino ta, pa entre otro trece trankilidad na Parke, eherce tareanan di maneho y informa hues di e situacion actual di Parke. Adicionalmente hues lo consulta cu e directiva interino pa e perfil di un candidato apropia y lo formula esaki a base di e necesidad  di e organizacion.  Sucesornan di e directiva interino lo worde apunta a base di e perfil aki.

Conforme e informacion di hues, den luna di augustus lo tin un sesion unda cu tur partido envolvi lo haci sugerencia na hues pa locual ta posibel candidatonan. E expectativa ta, cu den e proximo dianan e ‘orde maatregel’ lo worde oficialisa den un decreto.

Pais Aruba ta contento y tin confianza den e resultado di e proceso aki cu siguramente ta un reflexion, di un proceso cu tin bienestar di Parke Nacional Arikok, interes general, e trahadonan y nos Pais na prome luga.

- Advertisement -

DUNA COMENTARIO

Please enter your comment!
Please enter your name here