Home Economia Parlamentario Alan Howell contento cu proyecto di fast ferry

Parlamentario Alan Howell contento cu proyecto di fast ferry

51
0
SHARE
- Advertisement -

ORANJESTAD   (AAN):  Parlamentario Alan Howell, kier a uni su mes na San Nicolas Business Association (SNBA) y Minister Romero pa invita henter comunidad pa diamars 26 di juni proximo pa ta presente 7or di anochi na Theresita Center. E dia aki  SNBA lo bay duna tur presente un update riba e proyecto di fast ferry, cual ta den un etapa hopi avansa.

Manera ta conoci e proyecto di fast ferry ta uno cu partido POR y su fraccion ta para su tras 100% ya cu e ta algo cu sigur lo contribui na desaroyo di San Nicolas.

E anochi aki tambe SNBA lo presenta su plannan pa San Nicolas cu ta enfoca riba mehoracion di calidad di bida di tur esnan cu ta biba pariba di brug.

Howell a indica tambe cu e ta contento di por a scucha con Presidente di SNBA, Andres  Hernandez, a bisa cu nan ta trahando hunto cu gobierno y comerciantenan interesa pa combina e actividad di fast ferry con otro actividadnan turistico y commercial. “E trabou conhunto lo wordo recompense y pueblo di pariba di brug en especial, pero henter Aruba tambe lo ta sa di consecha e frutonan”.

Loke ta hala atencion di e plan ta cu e ta concipia pa wordo ehecuta independiente di e refineria. Nan concepto ta uno diferente cu ta wordo uza mundialmente y ta inclui e fast ferry, cual lo por significa un fluho di aproximadamente 800 persona drentando y saliendo na su puerto ubica na San Nicolas.

Alan Howell ta sumamente entusiasma cu e desaroyo di e proyecto di fast ferry y mas ainda cu e atencion cu e proyecto ta hayando tanto di gobierno como di sector priva, cualnan ta mira e importancia pa San Nicolas, cu ta bogando pa hopi aña caba pa haya e boost necesario pa por logra un desaroyo economico, comercial y turistico, cu tur e areanan positivo cu esaki lo trece pa habitantenan di San Nicolas y vecindario.

Un biaha mas e ta invita un y tur cu ta desea di haya mas informacion riba e proyecto di fast ferry pa ta presente diamars 26 di juni na Theresita Center pa 7or di anochi.

- Advertisement -

DUNA COMENTARIO

Please enter your comment!
Please enter your name here