Home Gobierno Parlamentario Endy Croes a baha fuerte riba Mike Eman despues cu el...

Parlamentario Endy Croes a baha fuerte riba Mike Eman despues cu el a reuni cu CAFT

56
0
SHARE
- Advertisement -

ORANJESTAD    (AAN):   Segun Parlamentario Endy Croes cu CAFT a reconfirma e mal maneho financiero di 8 aña di AVP. CAFT tabata hopi cla den su expresionnan y tur esaki dilanti representantenan di AVP, esta Marlon Sneek, Richard Arends, Mervin Wyatt Ras y Jennifer Reyes. Voorzitter di CAFT Professor of Public Economics and Administration Sr. Raymond Gradus a bisa textualmente: “Iedere Arubaan die vandaag de dag geboren wordt heeft reeds een overheidsschuld van tenminste 40 DUIZEND Arubaanse guldens.”  Pues kico AVP a causa door di redobla e debe nacional? AVP a causa cu di cada baby cu nace awe ta nace cu un debe riba su cabez di 40 mil florin. Palabra di CAFT. Puntra Bo mes conciudadano si esaki ta e Aruba cu bo lo tabata kier y si ta esaki ta e Aruba bo ta desea pa bo yiunan.

 

AVP kier a mata e futuro generacion

Gradus a continua bisando “ Het is echt NOODZAKKELIJK om de komende tijd forse stappen in te zetten, ook om te voorkomen dat een last wordt doorgeschoven naar de volgende generatie”.  Pues aki Gradus ta haci apelacion fuerte cu e generacion aki cu MESTER cuminsa paga e debe di Mike Eman y AVP. Debe Nacional a redobla di 40% pa 90% y interes cu nos ta paga riba placa presta a mas cu redobla y a alcansa 216 MIYON den 2018. Esaki ta igual cu un pago di 600 mil florin pa cada dia solamente na interes y no riba capital. Segun Gradus, tur e desaster aki ta uno cu lo bay causa e pueblo hopi dolor pero si no cuminsa paga awor pa baha e debe, e interesnan y costonan lo sigui aumenta y lo bay MATA nos futuro generacion. Awe Mike su palabra a sali na cla. Mike a grita cu e ta orguyoso di e debe y e debe t’ey pa nos tur bay pag’e pa futuro. E ora di paga a yega y lamentablemente tur esnan cu NO a probecha di e fiesta di Mike cual ta e gran mayoria di pueblo awe tambe mester bay paga pa algo cu nan no a pidi pe.

 

E catastrofe di Mike y AVP

Mi ta contento cu diferente Parlamentario di AVP tabata presente pa tende esaki y ohala nan por realisa e embergadura cu Mike y AVP a hinca Aruba aden y recapacita enbes di sigui instiga, gaña y manipula nan votadornan. Un lider asina manera Mike Eman pa locual el a haci cu Pais Aruba mi ta considera publicamente un DESGRACIADO. Imposibel cu Bo curason por tabata sinti algo pa  e pueblo mirando bo hechonan. Awe nos ta den un situacion no solamente cu un debe masha halto pero esaki a refleha tambe den aumento di criminalidad, desempleo masha halto y un crisis social nunca bisto. Finalmente e DESASTER FINANCIERO di Mike Eman y AVP a keda reconfirma oficialmente pa CAFT. Mi ta haci un plegaria desde awor enadelante na henter e comunidad pa keda leu di storianan di manipulacion di AVP y hunto nos percura pa nunca pero nunca mas nan bolbe na poder. Aruba lo bay pasa den temponan dificil pero hunto nos lo sa di drecha e catastrofe di Mike y AVP y hunto nos lo construi un mihor Aruba pa nos futuro generacion.

- Advertisement -

DUNA COMENTARIO

Please enter your comment!
Please enter your name here