Home Economia Peticion di lider di fraccion di MEP pa un bijeenkomst cu Minister...

Peticion di lider di fraccion di MEP pa un bijeenkomst cu Minister President

150
0
SHARE
- Advertisement -

Riba e tema di gasto di personal

ORANJESTAD    (AAN):  Diabierna ultimo durante reunion cu CAFT nan a trece padilanti cu gasto di personal den e aparato gubernamental ta keda un punto di preocupacion. Segun CAFT, den nomber di sr. Gradus, Mike Eman y su gabinete, a aumenta gasto di personal na aña 2017 te cu alrededor di 380 miyon florin.

MALINFORMA PUEBLO

Parlamentarionan di oposicion y cierto medionan di comunicacion deliberadamente ta malinforma pueblo. Lider di fraccion di MEP, sr. Rocco Tjon, ta na haltura cu gobierno lo rebaha gasto na un manera responsabel y sin mishi cu derecho di e trahadornan. Apesar di esaki el a manda un peticion por escrito na Presidente di Parlamento pa a corto plaso invita Minister President pa, den un reunion cu lo wordo transmiti, Minister President informa Parlamento y pueblo di e maneho di personal. Lamentablemente esaki ta necesario door di e manipulacion di oposicion y cierto medionan di comunicacion.

ESTADO DI DERECHO

Proceder di parlamentarionan di AVP ta confirma cu nan no ta compronde e materia.

Hamas CAFT por exigi cu un ley cu a wordo aproba caba door di Parlamento, wordo manda bek Parlamento pa nan adapta esaki.

Fraccion di MEP lo eherce nan tarea di control, pa loke ta trata presupuesto for di den Parlamento manera debe ser y e prome momento pa haci esaki ta na Augustus di acuerdo cu e mocion cu a wordo aproba durante presupuesto.

- Advertisement -

DUNA COMENTARIO

Please enter your comment!
Please enter your name here