Home Comentario Poblacion di mas riba un Isla chikito por genera mucho mas pobreza

Poblacion di mas riba un Isla chikito por genera mucho mas pobreza

28
0
SHARE
- Advertisement -

ORANJESTAD (AAN) – Un pensamento logico tin preocupa gran parti di nos comunidad, si na dado momento enberdad ta surgi mas problema na Venezuela y hopi hende ta drenta nos Isla, di cual manera cu hendenan desespera por ingenia nan mes pa bin akinan.

E expresion “no tin cama pa tanto hende” no ta pa haci joke cune. E ta un realidad. Como tur Isla nos ta rondona pa lama pero nos ta un pais chikito. Nos pais geograficamente ta hopi limita y logicamente, no por bringa un pida tera cu por tin limite cu otro pais, pa haci su mes mas grandi.

Enberdad ta valido e preocupacion cu hopi hende na Aruba tin. Poblacion di mas lo trece pa Aruba scarcedad di vivienda, scol, espacio den tur sentido, aumento di prijs, mas gasto di coriente y awa, mas linea di telefon mientras cu infrastructuralmente y den servicionan Aruba no por crece mas.

Con lo haci? Traha cas riba otro? Trece mas problema social den barionan?  Poblacion di mas ta un peligro pa Aruba pasobra e calidad social ta core peligro di baha, y mas awendia cu no tin barionan mas unda e mesun famianan ta biba y ta tira bista un pa otro, manera tabata e caso den pasado. Awendia, of ni bo sa mes ken ta bo bisiña of ta bira victima di ladronicia y pleitamento entre e bisiñanan debi na diferente cultura y educacion cu ta bin hunto den casi mesun espacio limita cu tin.

Aruba tin poco mas di 120 mil habitante y un di e consecuencianan di mas poblacion na e momentonan aki cu nos mes pueblo ta pasando den un crisis economico y financiero, costo di bida hopi halto, hopi uso di salubridad publico, falta di cupo na scolnan, etc., etc., loke por surgi ta un red di pobreza extremo, muchanan riba caya pa falta di scol, mas malesa y specialmente bao e personanan cu lo keda ilegal riba nos pais, menos seguridad y dificultadnan pa convivi cu otro.

Tambe tin e peligro cu a causa di poblacion di mas, personanan cu ta bin nobo pa biba na Aruba por desplaza nos mes hendenan cu por dicidi di bay biba na Hulanda of otro pais cu ta habri pa nos paspoort Hulandes, y confronta un fuga di capital humano cu nos mester.

No mester laga afo e delitonan cu por aumenta no obstante gobierno haci todo por todo pa inverti mas den Cuerpo Policial y otro instancianan cu ta brinda seguridad na nos pueblo. Turistanan lo por sinti nan mes insigur na Aruba y stop di bishita nos locual por afecta enormemente nos prome pilar di economia.

Pues prome cu papia di exodo, den e caso aki di Venezolanonan pa Aruba, gobierno mester wak cu cabes frio e consecuencianan cu esaki por trece pa nos bida en general.

- Advertisement -

DUNA COMENTARIO

Please enter your comment!
Please enter your name here