Home Policial Polis uniforma ta haya autoridad pa controla infraccion contra ley di Admision...

Polis uniforma ta haya autoridad pa controla infraccion contra ley di Admision y Expulsion

116
0
SHARE
- Advertisement -

Entrante 1 di Juli:

ORANJESTAD (AAN) – Dialuna mainta a tuma lugar e conferencia di prensa semanal di Gobierno, den cual a hiba palabra Minister di Husticia mr. Andin Bikker y Minister di Infrastructura y Medio Ambiente sr. Otmar Oduber.

E prome punto di agenda di Minister Bikker ta e pasonan cu gobierno ta dunando pa reforza nos fronteranan, mirando e cantidad di personanan indocumenta, cu di un of otro manera kier drenta den nos pais y den e proceso aki haci cosnan cu no ta permiti.

 

SIGUIENTE PASONAN:

Entrante 1 di Juli Polis uniforma ta haya autoridad bek pa nan tambe por controla infraccionnan, pa loke ta trata LTU (Ley di admision y expulsion). Esey ta haci cu aworaki tin un par di centenar di ambtenaarnan adicional autoriza pa controla e ley aki tambe, banda di esnan cu por hacie caba manera Guarda Nos Costa y otro cuerponan cu tin e autoridad aki. E meta cu aworaki tin mas persona pa haci e control aki.

E siman aki, of otro siman, lo keda cla cu e destaho pa keda cla cu e lease pa e helicopter pa KPA. Tambe a tuma su tempo, pero aworaki ta kedando cla cu esaki, despues cu na fin di April ultimo, Parlamento a aproba e presupuesto rekeri.

KPA a haya un breve presentacion pa equiponan di radar.

E mandatario a splica como pais Aruba, nos isla ta parti di Kustwacht di Reino Hulandes y den dje tin participacion hunto cu Curacao, Sint Maarten y Hulanda, unda tin helicopter y radar como equipo. Los di esaki, sin embargo, KPA a falta di su propio radar for di 2011 bin ariba. Esey ta haci cu hopi biaha KPA ta depende di Kustwacht of ta topa cu tardanza. Pesey gobierno a dicidi pa haci sondeo pa wak e prijs riba mercado, aworaki, pa e aparatonan aki.

E dignatario a agrega cu a bin descubri cu e tecnologia ta avanzando rapidamente, y cu practicamente cu cualkier yate di poco valor tin su radar. Awendia, no tin ningun obstaculo y e ta completamente pagable, pa KPA adkiri su propio radar y opera banda di esun di Kustwacht. E radar cu lo introduci por wordo combina cu software y tecnologia moderno cu ayuda tambe di helicopter y drones. E tecnologia no ta para y den e dimension aki gobierno ta bin cu un combinacion di e ekiponan menciona.

Pues, esaki ta e cuater pasonan specifico cu e dignatario y titular di Husticia a bin encaminando pa amplia e seguridad di nos pueblo.

- Advertisement -

DUNA COMENTARIO

Please enter your comment!
Please enter your name here