Home Gobierno Ponencianan di ex miembronan di directiva di parke no ta cuadra cu...

Ponencianan di ex miembronan di directiva di parke no ta cuadra cu realidad

13
0
SHARE
- Advertisement -

Gobierno ta sali na defensa di 20% di area teritorial cu ta protegi

ORANJESTAD   (AAN):  Minister encarga cu Infrastructura y Medio Ambiente Otmar Oduber kier a informa comunidad di e situacion na Parke Nacional Arikok. Diamars 19 di juni a bira conoci cu 4 miembro di e directiva a pidi nan retiro (per direct), mientras cu tin combersacion andando pa locual ta cambio di statuto. A base di esaki y a base di un nota publico cu e directiva a manda pa diferente instancia y medionan di comunicacion, a haye adecua pa reacciona den medionan riba e situacion real di locual cu ta tumando luga.

Manera cu ta conoci desde un tempo caba Gobierno ta bezig cu combersacionnan cu e directiva di Parke Nacional Arikok riba entre otro e situacion unda cu empleadonan na diferente ocasion a mustra nan disgusto contra e maneho cu ta wordo hiba. Gobierno a base di un maneho transparente cu a bay ta tuma luga desde November aña pasa, lamentablemente a constata na dado momento cu na comienso di December e directiva a cambia statonan di Parke. E cambionan aki ta encera cambio di e motibo pa cual a lanta e fundacion (cual ta pa maneha e area protegi,) a wordo cambia y no a wordo notifica na Parlamento, ni na Gobierno.

Na aña 2000 a crea un ‘Landbesluit houdende algemene maatregelen’ (Lbham) pa locual ta trata proteccion di un area di naturalesa. Na 2003 Parlamento di Aruba a duna autorisacion na Gobierno pa por lanta un fundacion pa por maneha e area aki cual ta Fundacion Parke Nacional Arikok. Gobierno a lanta e fundacion aki conforme e autorisacion cu a ricibi di Parlamento, como un fundacion cu tin como funccion ‘beheerder’ di e 20% di teritorio di Pais Aruba, cu a wordo considera como area protegi y cu ta duna nan e subsidio cu awe nos conoce cu ta rond di 2.7 miyon florin.

 

Timeline di comunicacion entre Gobierno y directiva di Parke

Minister Oduber a splica cu tabatin un serie di corespondencia y diferente reunion entre e directiva di Parke y Gobierno desde November te cu recientemente y tur cos tabata indica den un bon direccion. Despues di e cambionan den statuto cu a tuma luga sin notifica Gobierno na comienso di December, riba 6 di maart 2018 a reuni cu e directiva unda cu a yega na e acuerdo cu lo traha hunto pa drecha e statutonan bek. Dia 28 di maart 2018 por a constata cu a yega na consensus entre Gobierno y directiva tocante di e tematica di cambio di statutonan.

A base di e palabracionnan aki, e directiva riba 2 di mei 2018 ta entrega e concepto di statutonan nobo cu ta encera e cambionan pa bay bek na e statuto original, firma pa tur 4 miembro di e directiva (cu a recientemente retira). 3 di mei 2018 Gobierno a haya carta di un cantidad di 43 di e total di 48 empleadonan indicando cu nan no tin confiansa mas den e directiva y no ta desea di sigui traha cu nan. Riba e mesun fecha Gobierno a reuni cu 3 di e 4 miembronan di directiva unda cu a yega na diferente acuerdo cu otro. Cualnan ta: 1 siman despues di e reunion lo tin e ‘nieuwe texten voor statuten’ dia 15 di mei e directiva lo reuni cu otro pa acorda e cambio di textonan aki y e siman despues lo pasa e akte na notario. Y cu nan lo haci entrega di un ‘aftreedtschema’ den e siman di 21 di mei. Tambe a acorda cu e otro areanan protegi hunto cu Parke Marino lo resorta bou di Parke Nacional Arikok. A palabra cu Gobierno y directiva lo tin un posicion neutral den prensa pa locual ta preguntanan cu ta wordo haci mientras cu ta sinta na mesa.  Por ultimo a palabra tambe pa trece trankilidad cerca e empleadonan pa motibo di e nivel di disgusto cu e empleadonan  tabatin, Minister Oduber a splica. Mester menciona cu e directiva a cumpli cu e palabracionnan aki y a confirma cu ta bay di acuerdo cu e cambionan menciona y e structura di supervision cu e directiva di Parke mester tin.

Cu e informacion aki Minister Oduber a mustra e proceso den forma transparente cu Gobierno a hiba cu e directiva, contrario na e ponencianan cu a wordo treci dilanti door di e miembronan cu a retira.

- Advertisement -

DUNA COMENTARIO

Please enter your comment!
Please enter your name here