Home Economia Prima di AZV lo reduci di 10.5 pa 6.5% entrante 1 di...

Prima di AZV lo reduci di 10.5 pa 6.5% entrante 1 di Juli proximo

231
0
SHARE
- Advertisement -

ORANJESTAD  (AAN): Entrante 1 di Juli tambe ta bay drenta na vigor cambio den e prima di AZV. Esaki ta encera cu entrante e fecha eynan, e prima di AZV ta bay ta reduci di 10.5% pa 6.5% pa e entrada bao di 30 mil florin, segun director di SVB, Edwin Jacobs.

Kico ta e caso

Ora cu a introduci AZV dia 1 di Januari 2001, e momento ey gobierno a tuma e decision cu pa e tres añanan 2001, 2002 y 2003, el a wordo poni tambe den e ley cu e prima cu e pensionado lo mester a paga riba su pensioen cu e ta ricibi di SVb, lo a wordo paga door di e fondonan di SVb. Ora cu 2003 a caba y te eynan e ley tabata valido, eynan gobierno a dicidi pa alargu’e y na 2011 a incorpor’e definitivamente den e ley cu e prima di AZV cu ta coresponde cu e entrada di pensioen di biehes, of pensioen di huerfano, ta wordo cubri pa e fondonan corespondiente. E ley di AZV ta bisa cu tur asegurado tin cu paga un prima si e tin un entrada. Solamente ora bo no tin un entrada bo no ta paga prima di AZV y pensioen ta un entrada. Por lo tanto e persona tin cu paga e prima ey riba e entrada cu e ta ricibi. Ora ley ta bisa cu e entrada ey ta bin di SVb, SVb ta cubri e prima.

Por consiguiente, awor aki ta haya aki no solamente den pasado, e prima tabata 11.5%. Ora cu a introduci e BAZV, a baha e prima cu 1%, y a bay na 10.5%. A nifica e ora cu e 1% eynan, door cu SVb tin cu paga e prima pa e pensioen, ta nifica cu 1% ey ta bin na bentaha di e fondo.

Awor aki cu e ta bay reduci di 10.5% na 6.5%, e 4 porciento ey tambe ta keda den e fondo. Pa e aña aki e efecto positivo pa e fondo ta 3.5 miyon y e entrante otro aña ta calculando na 7 miyon.

Kico ta e efecto riba termino largo pa e fondo di pensioen

Manera ta conoci, a base di e parametronan cu tin awor aki, edadnan 65 aña of bayendo pa 65 aña, adicionalmente tin e prima na 15.5% en total y tin e entrada na 85 mil florin pa aña, manera cu e parametronan ta awor aki, cuminsando for di aña pasa, e fondo lo bay conoce tur aña un surplus. E surplusnan aki tin cu bay riba reserva, pero ta premira cu den e di dos mita di e añanan 20, e surplus aki ta bay bira un deficit. E ora ey bo a crea un reserva cu ta yudabo pa un paar di aña absorba e deficit cu ta bay bin, pa asina ey den e final di e prome mita den añanan 30, lo bay tin cu resolve un otro problema, si bo reserva ta agota. Door cu awor aki, door di e cambio aki den e prima di AZV, esaki ta bay yuda den añanan 30, bo fondo cu 1 aña y mey pa 2 aña cu e por wanta e deficitnan di e fondo.

Tin un efecto positivo a termino largo pa e fondo di SVb, e fondo di pensioen di biehes, cu ta pone cu e agotamento ta bay ta un poco mas despues cu locual e tabata prome cu e cambionan aki den e ey di AZV.

E ley

Ley ta bisa cu e prima pa aña, te cu 30 mil florin, e ta na 6.5%. Despues di 30 mil, e ta bay na 10.5%. E pensioen di AOV ta cay den e prome 15 mil, ta cay pa SVb y e restante ta cay pa e entrada di e pensionado.

- Advertisement -

DUNA COMENTARIO

Please enter your comment!
Please enter your name here