Home Ciencia y Tecnologia Programa profesional di training di Piloto aki na Aruba

Programa profesional di training di Piloto aki na Aruba

20
0
SHARE
- Advertisement -

Aruba Flight Academy ta cuminsa ofrece

ORANJESTAD(AAN)– E creciente demanda mundialmente pa Pilotonan ta poniendo hopi presion riba companianan di aviacion internacionalmente. Escases di Pilotonan tin como resultado cancelacion di vuelonan cu tin como consecuencia perdida di entrada pa companianan. Hopi compania di aviacion ta buscando Pilotonan di tur parti di mundo.
Aruba Flight Academy ta un school di Piloto na Aruba cu ta organisa y ofrece tur persona cu ta interesa di bira un Piloto e preparacion necesario pa por yega na bo Pilot’s license, di Private te cu Commercial.
Aruba Flight Acadamy ta traha den cooperacion cu otro schoolnan na Florida caminda studiantenan por sigui cu e parti practico e cantidad di oranan di vuelo cu un persona mester pa asina por finalisa su examen y certificacion.
Aruba Flight Acadamy ta dedica na guía y prepara tur persona di e parti teoretico aeronautico te cu vuelonan como Piloto priva, IFR Rating, Multi-Engine, y Piloto comercial.
Awe, diasabra 23 Juni, 7:00-9:00  or anochi na Casa del Mar Hotel den e “Frank Conway Room” Instructor y Pilotonan lo ta dunando un anochi di informacion y lo splica con e programa nobo di Aruba Flight Acadamy ta hinca den otro.
Instructornan lo duna splicacion di e contenido di e programa y lo bay tin tambe tanto Pilotonan Priva como pilotonan Commercial presente, tambe varios CEO di diferente linea aereo den region cu lo yuda contesta cualkier pregunta y duna mas splicacion di e carera den aviacion como piloto, y e bida trahando como pilot etc.
Aruba Flying Club tambe lo ta presente y tambe lo duna un splicacion di su experiencianan den guia hopi pilotonan jong cu aworaki ta bulando full rond di mundo.
Entrada ta Gratis, y mester R.S.V.P. pa por segura cu nos por prepara stoel y refreshment pa tur hende cu bin. Lo tin brochure di nos programa, cu despues tambe lo wordu poni ariba nos website www.aribaflightacademy.com cu lo wordo lanza dentro di poco.
Si bo soño ta di bira un Piloto, bin join nos y tende directamente di instructornan, Pilotonan profesional y kico ta e diferente programanan cu Aruba Flight Acadamy ta ofrece y kico bo mester pa por por participa na un preparacion profesional.
Si bo no por make it, bo por semper contact Aruba Flight Acadamy via nan e-mail fly@arubaflightacademy.com of telefónicamente via +297-567-4889.
Pa por pasa e certificacion teoretico un persona mester tin pof lo menos 15 aña y pa por cumpli cu e cantidad di ora nan di training di vuelo y pa e certificacion practico e persona mester tin por lo menos 17 aña, y mester por papia Ingles na e nivel clasifica como Climb Level 4. Tambe bo mester pasa un examinacion medico clasifica como FAA class 3 minimo pa Private Pilot y FAA Class 1 y 2 pa Commercial Pilot.
Aruba Flight Academy lo ta ofreciendo diferente programa manera e.o.
Private Pilot Course, IFR Instrument rating, Multi-Engine, Commercial y varios otronan.
Presskit logo, text y e imagen nan ta disponibel riba e e link aki den un ZIP file, si bo no haya nan via email. http://www.arubaflightacademy.com/presskit.zip

- Advertisement -

DUNA COMENTARIO

Please enter your comment!
Please enter your name here