Home Impuesto Prome fase di automatisacion na Departamento di Impuesto ta den “pipeline”

Prome fase di automatisacion na Departamento di Impuesto ta den “pipeline”

45
0
SHARE
- Advertisement -

ORANJESTAD    (AAN): A papia cu e fasenan cu Departamento  di Impuesto atendiendo cune pa automatisacion.

Loke si tin den pipeline, ta cu nan a caba di implementa e prome fase di e proyecto di automatisacion, unda cu tin un grupo di trabao, specialistanan riba e tereno a forma un team conhuntamente cu esnan cu a bin implementa e sistema aki di SAP.

Tin Gravity IT, cu ta un compania Australiano cu a implementa SAP na diferente parti di mundo y tin hopi bon track record pa por implementa e software system aki. A bay over di un sistema cu tabata hopi maatwerk, na un sistema cu ta standarisa. Standarisa cierto procesonan, standarisa sigur raportahenan, standarisa e manera cu ta traha, di registracion, te cu bezwaren beroep. Clientenan, loke nan ta bay ripara awo, pa cierto cosnan tin dos sistema ta trahando cun’e.

Awor aki ta bay drenta den e di dos fase di implementacion di SAP, caminda cu ta bay atende cu e parti di dwanginvordering, inkomstenbelasting y winstbelasting y tambe online aangiften, pa asina ey otro aña April, segun planning, mester ta full den un sistema.

Clientenan por haya nan mes confronta cu di berdad si nan tin un areglo di pago pa e belasting, impuestonan cu a bay mee den e prome fase, cu ta grondbelasting, erfpacht, loonbelasting, BBO, toeristenheffing, etc. Si nan tin un areglo di pago, nan ta hay’e for di e sistema nobo y si nan tin un areglo di pago pa inkomstenbelasting y winstbelasting, cual ta dos cu a keda atras den e sistema bieu, cu nan ta haya nan mes cu un areglo di pago for di sistema bieu.

No ta asina cu si e areglo di pago den e sistema bieu ta 500 florin y e areglo di pago di BBO of grondbelasting ta 1000 florin, cu nan ta paga esun di 500 y ta keda sin paga esun di 1000 florin. Ta un areglo di pago y tin cu cumpli cu tur dos. Ta dos papel diferente, cual ta sali for di dos sistema, pero den 8 luna di tempo, ta premira pa ta full live den un sistema, caminda cu e cliente tambe ta haya su mes cu un areglo di pago for di un sistema.

Pieters ta gradici di curason na e trahadonan di Departamento di Impuesto, companianan di afo cu ta bin implimenta un sistema di ICT, ta solamente loke nan tin pa nos hendenan, specialistanan riba e tereno aki, a traha dia y anochi, conhuntamente cu e tecniconan riba e tereno aki pa por tin un sistema implimenta pa e departamento mes, pasobra nan mester tin cu traha cu un sistema automatisa, di un calidad hopi mas eleva, ta tuma su tempo.

Tambe tin cierto afdelingnan cu mester custuma. E caheronan mester custuma, cu ta den dos sistema cierto pago, cierto informacion tin cu sali. E invordering medewerkernan, ta funcionarionan cu ta traha cu colecta, tin cu custuma cu ta cu dos sistema ta traha.

E feedback cu ta haya for di esnan trahando cu e sistema, ta cu berdaderamente tin un grupo di trabao, cu ta fully committed pa esaki ta un exito. Esey ta algo di celebra, pasobra un departamento cu ta funciona manera mester ta ta beneficio so e ta trece cun’e. Ta beneficia e trahado, pasobra e tin e hermentnan necesario pa traha cun’e, pa e por haci su trabao manera debe ser. E ta beneficia e cliente y tambe beneficia pais Aruba, cu entradanan di impuesto.

Paga belasting no ta leuk. Hulanda tin su slogan “Leuker kunnen we niet maken, wel makkelijker”, pero e ta e fundeshi di pa un pais por sigui progresa. Sin entrada di belasting, sin entrada di invoerrechten, no tin entrada pa por inverti den ningun proyecto, ningun plan social, ningun scol cu mester wordo drecha. Plannan pa educacion pa nos muchanan.

Ta hopi orguyoso di por aporta tambe den e sentido aki, na un servicio eleva y tambe un sistema automatisa hopi mas miho cu por brinda tambe e cliente cu tambe ta cambia un miho servicio. Clientenan bisa cu awo por paga online, ta hopi satisfecho. Pero awo toch tin cu busca un stempel. Toch tur 15 di luna tin cu bin cu e aangifte pa busca un stempel na e receptie.

E di dos parti cu awor aki tin cu bay online cu e aangiftenan, ta bay cuminsa awo cu esey, pa asina ey por brinda un servicio completo. Formularionan cu antes tin cu yena pa pidi un persoonsnummer, tin cu bin yena un papel, haya un persoonsnummer, ta manda yama y bisa cu e persoonsnummer ta cla, ta cosnan cu ta bay bek den pasado.

 

 

- Advertisement -

DUNA COMENTARIO

Please enter your comment!
Please enter your name here