Home Gobierno Pronto scol di polis lo cambia di nomber

Pronto scol di polis lo cambia di nomber

412
0
SHARE
- Advertisement -

Kizas lo bay temporal den DOC Opleiding

ORANJESTAD(AAN): E proceso pa cambio di nomber di e school di polis, ta bezig ainda. E ta tuma su tempo. Segun Jeanette Richardson-Baars, directora di Academia Policial, pero pronto e lo bira Academia pa Husticia y siguridad di Aruba. A scoge pa cambi’e pasobra no ta duna les na polis so mas, pero na otro entidadnan di husticia. Esey ta nifica cu nan tin klas por ehempel di KIA. Nan lo bay expande den futuro, unda lo duna les na kustwacht, Douane y otronan cu ta den ramo di husticia, manera CEA por ta.

A dicidi cu Academia Policial no ta suficiente mas, e ta bay mas den husticia y siguridad, pasobra nan tambe tin tramitenan cu tur e training, opleiding, certificacion di e hendenan cu ta traha den ramo di siguridad, mester haya opleiding na school di polis, cu pronto lo cambia di nomber.

E lugar mes di scol a bira chikito. Segun Richardson-Baars, tin dos plan. A tende cu nan por a haya un luga temporal cu a bira DOC Opleiding, cual ta na e rotonde di Sero Blanco. Nan ta bezig cun’e pa wak con mester drech’e pa nan haya algun lokaal di les. E proceso ey ta canando. Esey ta un solucion temporal. Nan mester busca un solucion den nieuwbouw y ta bezig pa mira kico ta e alternativanan pa luga. Esey semper ta hopi importante. Mester tin suficiente espacio pa por tin tur localidad, werkruimte, sportruimte, etc. Ta spera ainda pa e aña aki por tin un contesta riba esey, unda por bay y con lo regl’e pa e yega na un nieuwbouw.

School di Polis ta purba di cuminsa cu un klas nobo. Nan ta bezig den e proceso, casi cabando. E luna aki ta planea pa tin e eindgesprekken cu e candidatonan pa e klas N4-2018. Esey ta nifica cu a haya permiso pa 20 hende por drenta e basisopleiding eynan y ta papiando cu minister tambe over di e nivelnan 2 y 3 cu por ta den e ramo di tourist oriented police. Lo bay inverti den un klas, pero ta wardando riba permiso di minister pa cuminsa cu e seleccion.

Parti di polis verder, tin e delaster klas cu ta di middenkader opleiding cu lo bay start den Augustus. Esey ta nifica cu a yega cinco klas pa hendenan cu mester worde entrena pa yega e nivel di hoofdagent. Esey tabata planea caba pa 2019 pa cuminsa cu e hogerkader opleiding. Esey ta esunnan cu a haci kaderopleiding den pasado y nan por subi verder pa yega e nivel di inspector.

Esey aparentemente lo bay ta un klas di 20 hende pasobra mas halto cu bo yega den Cuerpo Policial, menos luga tin pa hendenan por bay. Tin cu tene cuenta cu esey. Den augustus tin bastante klas cu lo bay haya nan diploma. Tin klasnan cu lo bay haya nan aanstelling, nan huramentacion pa nan por bay stage. Dia 24 di Augustus, e diplomauitreiking y e ceremonia ta. Ta spera cu lo tin 100 pa 120 hende cu lo ricibi of nan diploma of nan aanstelling den forma di un huramentacion.

- Advertisement -

DUNA COMENTARIO

Please enter your comment!
Please enter your name here