Home Gobierno Pronto Unidad Motoriza di KPA lo ta completamente visible riba caminda atrobe

Pronto Unidad Motoriza di KPA lo ta completamente visible riba caminda atrobe

41
0
SHARE
- Advertisement -

ORANJESTAD (AAN) — Den conferencia di prensa di gobierno, Dialuna, Minister di Husticia mr. Andin Bikker a indica cu, pronto, Aruba lo mira completamente activo bek, e Unidad Motoriza di Cuerpo Policial (KPA).

E dignatario a menciona cu ora el a asumi su cargo di Minister di Husticia, el a constata cu Minister anterior no solamente a abandona diferente departamento, sino entre otro tambe e unidad motoriza di KPA.

Minister Bikker a señala cu nos tur por corda cu e unidad aki a hunga un rol hopi importante den visibilidad di KPA riba caya, unda por a moviliza di A pa B na un forma diligente y hopi rapido, cu a contribui hopi na e sentido di seguridad den nos pueblo y nos bishitantenan.

Asina cu e mandatario a asumi su responsabilidad, a inventariza kico ta pasando cu e unidad aki. Actualmente tin solamente cuater motocicleta activo y a bin resulta cu e abandono di e minister anterior cu no a paga un mecanico specializa pa drecha y mantene e unidadnan aki, y tampoco a zorg pa un plan di reemplazo di esnan cu ta yegando nan limite di servicio.

Rapidamente e mandatario a deal cu e pagonan atrasa pero tambe ta buscando informacion pa por yega na reemplaza e motocicletanan cu ta yegando na nan edad limite di servicio.

Di e manera aki KPA ta bay ta visible no solamente den e area hotelero den e ciudadnan di San Nicolas y Oranjestad, pero den tur bario ta bay ta visible riba caya, pasobra esaki ta un di e metanan principal di e plan di maneho di Ministerio di Husticia, segun e dignatario a expresa.

- Advertisement -

DUNA COMENTARIO

Please enter your comment!
Please enter your name here