Home Comercio ‘Recall’ ariba Kellogg’s Honey Smacks Cereal

‘Recall’ ariba Kellogg’s Honey Smacks Cereal

64
0
SHARE
- Advertisement -

Departamento di Salud Publico ta informa

ORANJESTAD (AAN) — Food and Drugs Administration (FDA) recientemente a haci un ‘recall’ riba e producto Honey Smacks Cereal di marca Kellogg’s despues cu varios persona a bira malo di Salmonella den diferente estado na Merca.

Ta sospecha cu e brote di salmonela ta relaciona na consumo di e producto aki Honey Smacks Cereal di Kellogg’s.

FDA ta conseha tur consumidor pa no come e producto aki cu tin e fecha di produccion menos cu un (1) aña bieu y ta referi tambe na e producto aki den tur size di empake, di caha grandi te cu size chikito.

Departamento di Salud Publico despues di a wordo notifica riba e recoleccion aki a tuma tur paso necesario. A tuma contacto cu agencia distribuidor y otro companianan cu tambe ta importa e marca aki.

E producto Honey Smacks Cereal a wordo kita for di riba reki den tur supermercado pero un suplica ta bay na comunidad pa revisa si na cas nan por tin e producto aki. Si esaki ta e caso, no consumi esaki y entrega esaki na Frasa Trading.

Pa mas informacion por tuma contacto cu Dienst Warenkeuring en Hygiëne di Departamento di Salud Publico na 5224200.

- Advertisement -

DUNA COMENTARIO

Please enter your comment!
Please enter your name here