Home Parlamento Riba e punto di Geschillenregeling mester tuma un decision

Riba e punto di Geschillenregeling mester tuma un decision

23
0
SHARE
- Advertisement -

Eerste y Tweede Kamer a bay di acuerdo:

ORANJESTAD (AAN) – Fraccion di MEP a yama un conferencia di prensa den su Sede na Santa Cruz, Diaranzon mainta.

Parlamentario sra. Setty Christiaans-Yarzagaray a hiba palabra y el a elabora tocante un viahe cu, como parti di fraccion di MEP, el a haci na Hulanda den e reunionnan di e partnernan den Reino, conoci como IPKO (Parlamentonan di Aruba, Curacao, Sint Maarten y Hulanda).

E prome Dia tabata tin un encuentro tripartite en Aruba, Curacao y Sint Maarten na unda riba un linea e islanan a purba di yega na un consenso, encuanto diferente punto cu mester a bin dilanti durante e reunionnan di IPKO.

Un di e temanan cu a bin dilanti ta esun di solucion di controversia “geschillenregeling” cu hopi biaha a bin dilanti durante añanan, riba agenda di IPKO.

Tambe a bin dilanti e tema di “SDG” cu ta e metanan di desaroyo sostenible cu tur e 195 paisnan cu a firma cu Nacionnan Uni, incluyendo tur Pais di Reino mester tin un linea di pensamento riba esaki.

Ademas a elabora riba un samenswerking (acuerdo di cooperacion) cu mester tin riba, entre otro tereno di salud y educacion.

Ya Aruba y Curacao tin cierto cooperacion den materia di salud, segun sra. Christiaans, na unda Curacao a bisa cu nan ta bay inverti den e parti di Oncologia, y Aruba den Cardiologia.

E parlamentario a indica cu durante IPKO nan a indica cu mester amplia e cooperacion entre e Islanan, pa asina e inversion no ta grandi y toch tin cooperacion entre un isla y otro.

E dama a agrega cu riba educacion tin palabracionnan cu a tuma lugar. Otro tema cu a haya enfoke ta esun di naturalizacion y e problema di Venezuela tambe a bin acerca y en todo caso, e islanan a palabra cual lo ta e decisionnan cu lo tuma tocante esaki, y cual ta e posicion di Hulanda relaciona cu e Islanan cu ta wordo afecta door di esaki.

E dama Parlamentario a trece e bon noticia cu tanto Eerste como Tweede Kamer, na Hulanda, a para tras di e Islanan Aruba, Curacao y Sint Maarten, cu e Geschillenregeling mester yega na un punto cu mester wordo trata, mirando cu cada bez ta wordo poni riba agenda pero no a yega na algo concreto den tur e añanan cu a pasa.

Parlamentario sra. Christiaans a indica cu e tema aki ta importante pa wordo trata, pasobra Aruba, Curacao y Sint Maarten ta manera e yiunan chikito di Hulanda y ora tin diferencia di opinion entre nan y e pais grandi cu ta e Madre Patria, si yega un momento cu e yiunan no ta di acuerdo cu e decision di e mama e islanan no tin unda pa bay, pasobra como pais nos tambe mester tin algo di bisa.

Ningun decision a wordo tuma ainda, pero en todo caso, Eerste y Tweede Kamer ta di acuerdo cu mester yega na un linea unda mester tuma un decision, pues e tema aki ta den un bon direccion.

 

- Advertisement -

DUNA COMENTARIO

Please enter your comment!
Please enter your name here