Home Social Rotaract Club of Aruba a presenta un otro exitoso edicion di YOU...

Rotaract Club of Aruba a presenta un otro exitoso edicion di YOU Inc. Seminar:

21
0
SHARE
- Advertisement -

ORANJESTAD (AAN): Recientemente Rotaract Club of Aruba a tene nan di 4 edicion di YOU Inc.2018 Seminar- Excel professionally and beyond na Alhambra Ballroom Aruba. Un mainta cu a worde guia door di Rotaractors Kapil Sawilani y Sunny Dodia cu orador local, Ronella Tijn Asjoe – Croes, CEO di Aruba Tourism Auhtoriy y orador international, James Michael Lafferty, CEO di FINE Hygienic Holding na Dubai

Pa medio di ‘YOU Inc. Seminar’ Rotaract Club of Aruba kier duna back na e comunidad di Aruba den e area di desaroyo personal y profesional door di trece un plataforma cu temanan educacional na un prijs rasonabel. E tema di e seminario e aña aki tabata “Live Your Best Life” paso cada un di nos merece di biba nos mihor bida, y manera presenta diasabra ultimo, cada un di nos por biba e bida cu nos ta desea door di simplemente aplica e strategianan presenta na YOU Inc.

E mainta a cuminsa cu palabra di Ben Maduro, President di Rotaract Club of Aruba pa aña 2017- 2018, cu a yama tur presente un caluroso bonbini y alavez a duna un discurso corto di  e meta y proyectonan di Rotaract Club of Aruba. Kapil y Sunny a sigui e mainta unda nan a “challenge” tur presente pa pensa kico ta nan reto nan di mas grandi den bida y kico nan ta spera di YOU Inc. 2018. Pa mayoria di esnan presente nan reto nan di mas grandi ta maneha nan tempo, sinja mas di liderazgo y haya sa mas di personal branding, exactamente loke YOU Inc 2018 a brinda tur presente.

Ronella Tijn Asjoe-Croes, CEO di Aruba Tourism Authority, den su discurso a splica cu pa ser un lider, e herment di mas importante ta caracter. Ronella, a splica cu bo background, estudio y experiencia ta  duna bo e opportunidad pa crece den bo carea y yega na posicion di liderazgo, pero bo caracter ta pone bo keda. Pesey Ronella, a pidi tur presente pa identifica con cada un di nos, den nos mes manera por yuda crea caracter den nos hoben (nan), pues ta nan ta nos futuro y Aruba, nos isla, ta conta riba nan.

Ronella  a worde sigui pa James Michael Lafferty, un experto riba e tereno di “personal branding” y “work-life balance”, cu a inspira tur presente cu su presentacion nan: “The Art of Branding” y “Work life Effectiveness”. Aki el a guia e audiencia por medio di 8 “branding strategies” y 12 “Work life Balance principles” con nan por cuminsa presenta nan mes den un manera unico y tambe maneha nan tempo y bida den un manera efectivo. James Michael Lafferty, a brinda tur presente tips practico cu por yuda un y tur biba nan mihor bida.

Pa termina e diasabra inspirativo aki, Ryon Dijkhoff, Vice-Presidente di Rotaract Club of Aruba y project-leader pa YOU Inc. 2018 a gradici tur e participantenan di e seminario, el a enfoka riba e importancia di nan tempo pa desaroya nan mes. Alaves el a gradici su comision organizatorio: Kapil, Tiana, Sunny, Shawn, Katinka y Kareline pa nan trabao den e delaster lunanan y alaves tur e miembronan di Rotaract Club of Aruba pa nan yudansa pa cu e proyecto aki.

Rotaract Club of Aruba ta sumamente contento di por a brinda un bes mas un seminario valioso na e publico di Aruba cu sigur a worde bon ricibi. Hopi a comenta di a keda inspira y sigur movi door di e programa di e mainta aki. E mainta aki no tabata posibel sin e trabao incansabel di e miembro y voluntarionan di e club, pero tampoco sin e contribucion y sosten di sponsor den nos comunidad. Ta pa es motibo Rotaract Club of Aruba  ta extende su palabra di gradicimento na e patocinadornan.

No por lubida tur e empresanan local cu a inverti den e crecemento personal di nan empleado y cu a cumpra ticket pa YOU Inc 2018 y tur particpantenan pa nan aporte. Tambe ta gradici Rotary Club of Aruba pa nan sosten den tur nos proyectonan.

- Advertisement -

DUNA COMENTARIO

Please enter your comment!
Please enter your name here